Diyarname
Heyeta Rêveberiya Xweser ku ji Fermandarê Giştî yê Hêzên Sûriya Demokratîk (HSD) Mazlûm Ebdî, Hevseroka Daîreya Têkiliyên Derve ya Rêveberiya Xweser Îlham Ehmed, her wiha Endama Fermandariya Giştî ya Yekîneyên Parastina Jin (YPJ) Newroz Ehmed, Cîgirê Wezîrê Parastinê ya Herêma Şerqiye Semîr Oso û hin fermandarên ji fermandariyên ewlehiyê li Şamê bûn.
Ji duh de hevdîtinên wan dom kirin û îro êvarê Fermandarê HSD'ê Ebdî daxuyanî belav kir.
Ebdî di daxuyaniyê de diyar kir ku fesihkirina HSD'ê ragihand, diyar kir ku êdî ne wekî hêzeke cuda, lê di nav Artêşê de hatiye bi cih kirin.
Va ne hin gotinên Ebdî:
- Em îro di kêliyeke dîrokî de li pêşberî we sekinîne û rûpeleke girîng di dîroka Sûriyeyê de ditewînin û dîrokeke nû ku sernavê wê aştî, istiqrar û avakirina welat vedikin.
- Ji destpêka avakirina Hêzên Sûriyeya Demokratîk ve, şervanên wê di qonaxên herî zehmet de ku Sûriyeyê tê re derbas bû berpirsyareke mezin hilgirtin. Şervanan ji dema hikumetê Baasê ve piştre dema terora DAIŞ'ê gelek bajar û bajarokên Sûriyeyê rizgar kirin. Di van şeran de şervanên me berdêlên mezin dan û jiyana xwe feda kirin. Bi hezaran şehîd ji bo mîsogeriya siberojeke ewle ji bo zarokên Sûriyeyê şehîd bûn.
- Îro merc hatin guhertin û welat derbasî qonaxeke nû bû ku sernavê wê aştî, hevpariya di avakirina Sûriyeya nû de ye. Piştî lihevkirina bi Serok El Şera û temambûna pêvajoya entegrekirina hêzên me di nava tûgayên Artêşa Sûriyeyê em îro bi dawîbûna mîsyona HSD'ê radighînin. Em bi berpirsyarî fesixkirina wê wekî hêzeke leşkerî ya serbixwe radighînin.
- Em ê bi hev re bîranînên şehîdên xwe hilgirin û fedakariyên wan di wijdanên xwe de biparêzin; ji ber ku ne ji ber şer, lê ji ber roja were ku pêdiviya Sûriyeyan bi şer çênebe, şer kirin. Em dixwazin ev roj wê bibe destpêka guhertineke rasteqîn a ji qadên şer ber bi qadên avakirinê ve, ji zemanê çekê ber bi zemanê aştiyê ve, ji qonaxa parastina Sûriyeyê ji qonaxa avakirina Sûriyeyê ve."
- Mafê fêrbûna bi zimanê kurdî yek jî mafên girîng e ku gelê me yê kurd bi dehên salan e ji bo wê têdikoşe. Birêz serok di gelek boneyan de parastina vî mafê ragihand. Me helwesteke vekirî der barê mafê hînbûna bi zimanê dayikê û pêşxistina biryara heyî di siberojê jê hîs kir. Em ê îsal vê biryarê pêk bînin da ku karibin di siberojeke nêzîk de li serê wê ava bikin.
- Em hemû tevahî gel ji Ereb, Kurd, Suryan, Aşûrî, Tirkmen Sûriyeke yekbûyî û ewle ku maf û rûmeta hemû hemwelatiyên xwe biparêze û pêşerojeke baştir ji nifşê nû re pêkbînin, em dîsa şehîdên xwe biminetarî bîrtînin rêhav û gelê xwe silav dikin.
BARRACK: PERWERDEHIYA BI KURDÊ DÊ BÊ NASÎN
Nûnerê DYA'yê yê Sûriyeyê Tom Barrack piştî daxuyaniya Ebdî bi ser X'ê re peyamek belav kir û got, "Li gor plana Serok Trump a ji bo Rojhilata Navîn gav tê avêtin û ji bo her kesî Sûriyeyek yekbûyî şikil digire."
Barrack diyar kir ku "Di bin rêberiya pêşbînî ya Trump de rê vebû ku HSD li nav saziyên dewleta Sûriyeyê de entegre bibe, ji dêvla parçebûnê şirîkatiyeke mayînde saz bike, firsendê bike şikilgirtina Sûriyeyeke hevpar" û wiha dom kir, "Ev yek rê li ber vedike ku di perwerdehiyê de bi kurdî perwerdehî çêbe û rolên berbiçav di nav hikumeta Sûriyeyê de bide şirîkên me yên girîn Mazlûm Ebdî û Îlham Ehmed, di bin rêberiya wan de şirîkên me yên kurd û fedekariya wan kiriye hurmetê heq dike, parçebûna duh ber bi armanca hevpar a sibê ve bibe."
Barrack di gotina xwe de diyar dike ku ne ku yên winda kirin û yên qezeng kirin, muxatabên berê yên xwedî nêrînên cüda ji bo neteweya serdest a Sûriyeyê bikin yek hatine ba hev. Yek artêş, yer hikumet, yek dewlet."
DI NAV HIKUMETÊ DE POSTÊN BO EBDÎ Û EHMED
Li aliyê din Ajansa Hawarê (ANHA) ragihand çavkaniyan daxuyand ku Şamê posta şêwirmendiyê ya berpirsiyariya dosyaya kurdî di serokatiya Sûriyeyê de pêşkêşî Mazlûm Ebdî kiriye û girîngiya girtina cihê Ebdî di tîma serokatiyê de teqez kiriye.
ANHA'yê wisa nivîsî, "Li gorî agahiyan, dibe ku Îlham Ehmed posteke bilind di hikumetê de wergere, her wiha behsa lihevkirinekê der barê perwerdeya bi zimanê kurdî de çêbûye. Tê gotin ku dê di navbera 5-7 madeyên di materyalên zimanê kurdî wergerî zimanê erebî werin kirin. Çavkaniyan destnîşan kirin ku lihevkirin li ser tevlêbûna YPJ'ê nava Wezareta Hundir çêbûye."
Ajans dibêje ku li gorî agahiyan, lihevkirin der barê belavkirina postan di nava saziyên hikumetê de, mekanîzmaya temamkirina bendên mayî yên peymana 29'ê Rêbendanê/Çileyê çêbûne, lê der barê van agahiyan de hîna tu daxuyaniyên fermî ne ji aliyê hikumeta veguhêz, ne jî Rêveberiya Xweser û ne jî HSD‘ê ve nehatin dayîne.
***
Li ser pêvajoyê çend nivîs:
- Helîm Yûsiv: Gelo Rojava têkdiçe?
- Helîm Yûsiv: Aliyên kurd çi dikin, wê çi bikin? (Gelo Rojava têkdiçe?)
.jpg)
