Diyarname

Li Stenbol, Amed, Batman, Wan şanoyên kurdî hene û li Mêrdînê jî yek li wan zêde bû: Şaneşîn Performans. Ew niha amadekariya lîstikekek nû dikin û bi awayê kirîna pirtûkan banga alîkariyê kirin.

Şaneşîn Performans, wekî koma şanoyê bi pêşengtîya hin mamosteyên kurdî û dilxwazên vê qadê roja 9’ê reşemiya 2022’yan li Mêrdînê hat avakirin. Li gor daxuyaniya ku amadekarên şanoyê dan me armanca şanoyê û rêya dane ber xwe bi vî rengî rave kirin: “Armanca me xizmetguzariya şanoya kurdî û her wiha zimanê kurdî ye. Şaneşîn Performans berê xwe dide lîstikên şanoya kurdî û ya cîhanê, lîstikên nû diafirîne û bi terz û şêweyeke nû dixwaze asta hunera şanoya kurdî bi disîplînên din re bilindtir û geştir bike. Ne bi tenê li bajarekî; li her çar alîyên welêt û Ewropayê dixwaze hunera kurdî temsîl bike.”

Li gor gotina wan ew niha amadekiriya lîstika bi navê “Bêcir” dikin û ji bo ku vê lîstikê derxîn ser dikê ew alikarîyê ji temaşevan û dilxwazên şanoya kurdî dixwazin. Ji bo vê yekê jî wisa dibêjin: “Wekî temaşevan hûn dikarin çawa alikarîya me bikin? Li ser malpera https://www.pirtukakurdi.com/Mardin-Sanesin-Performans-Destek-Kampanyasi-tr û www.morizarok.com ‘ê li ser navê Şaneşîn Performansê pîrtûkên ji bo zarokan hatine amadekirin. Kesên ku dixwazin alikariya me bikin, dikarin li ser van malperan li ser navê me pîrtûkan bistînin. Projeya me ew ê nêzî 10 rojan berdewam bike û di dawiyê de pirtûkên ku hatine firotin, dê li ser navê Şaneşîn Performansê li Culemergê ji bo dibistanekê werin bexşkirin û her wiha pirtûkên din jî ew ê li kêleka biletên şanoyê, wekî diyariya we em ê bi temaşevanên xwe re parve bikin. Her wiha pereyên pirtûkên ku hatine firotin bi sponsoriya Pirtukakurdî û Morî Zarokê  ji bo lîstikê ew ê werin xerckirin. Em bi kêlecan li benda temeşavanên xwe ne.” 

Ji bo têkilîyê:

sanesinperformans@gmail.com

***