Diyarname

Yên ku dibêjin al naguhere jî hene lê li dinyayê mînakên guherandina alan her hene û dê hebin jî. Mînaka dawî ala Fransayê ye. Serokomarê Fransayê rengê hêşîn ê alê guhart û tarîtir kir.

Berî sala 1976'an rengê hêşîn ê ala Fransayê ne hêşînê zelal lê hêşîneke tarî, wekî lacîwerdî bû. Lê ji wê salê ve ew wekî hêşînê zelal tê bikaranîn. Niha Serokomarê Fransayê Emmanuel Macron ev reng guhart û rengên alê yên berê hatin bikaranîn.

Ala Fransayê ji hêşîn, sepî û sor pêk dihat. niha ew hêşîn tarîtir bû û ev al li Qesra Elysêe hatin daliqandin.

Di sala 1976'an de Serokomarê Fgansayê yê wê demê  Valêry Giscard d'Estaing ji bo hêşîniya wê wekî ala Yekîtiya Ewropayê be ew reng guhartibûn, niha Macron ew veguhart dema berê.

Di daxuyaniya hatiye belavkirin de wisa hatiye gotin: "Serokomar Macron, ji bo bîranîna 'Dilxwazên Sala 2'yemîn' (qala dilxwaziya mêrên fransiz ên sala 1789'an dike), 'Poiluya Gelawêja 1914'an' (qala leşkerên fransiz ên di Şerê Cîhanê yê 1'emîn de şer kirine) û ji bo bîranîna kesên ji bo Fransaya Azad têkoşiya ne di ala sê rengî de ev tona reng xwest."