Diyarname
Îro maça Mûş Belediyespor û Diyarbakir Sporê hebû. Ber bi dawiya maçê ve seha tevlihev bû; Ji lîstikvanên Diyarbekir Sporê birîndar hene.
Mûş Spor û Diyarbakir Spor li nav fûtbola Tirkiyeyê de di Lîga Amator a Herêmî de dilîzin. Maça her du tîman îro li Mûşê hebû.
Di maçê de pevçûn derket: Ji lîstikvanên Diyarbakir Sporê Serhat Keskinsoy û Ramazan Kaya di encama êrîşa lînckirinê de birîndar bûn û rakirin nexweşxaneyê. Li gor daxuyaniya Diyarbekir Sporê teknîk dîrektorê wan Huseyîn Kaya û lîstikvanên klûba yedekê bi sivîkî birîndar bûne.
Maça Mûş BLD û Diyarbakir Sporê bê pirsgirêk dest pê kir. Nîveka yekemîn bi 0-0'ê bi dawî bû. Di nîveka duyemîn deqîqeya 78'an de Diyarbakir Spor bi gola Salih Kartal 1-0 derket pêş. Di deqîqeya 90'î de Mûş Sporê ji firîkîkê golek avêt û encam bû 1-1. Û bûyer piştî vê, ber bi dawîbûna maçê ve derketin holê. Hakêmê maçê li ser vê yekê maç betal kir.
ÎDÎAYÊN HER DU TÎMAN
Ji ser hesabê facebookê yê Mûş Sporê re hat eşkere kirin ku ji klûbeya Diyarbekir Sporê rêveberekî êrîşê lîstikvanê wan kiriye û bûyer derketiye. Diyarbakir Sporê jî ji ser hesabê xwe yê twittirê re got ku temaşevan û lîstikvanên Mûş Sporê bi awayekî organîze êrîşê lîstikvanên wan kiriye.