Diyarname
Festîvala Fîlman a Payîzê FÎLMEKÎMÎ îsal digel Stenbolê li Amed, Îzmîr, Bursa, Konya û Trabzonê jî li dar dikeve.

Fîlmekîmî ku ji aliyê ÎKSV (Weqfa Çand û Hunerê ya Stenbolê) ve tê li dar xistin îsal ket 10 saliya xwe. Festîvala ku îsal di navbera 8-15’ê kewçêrê de li Stenbolê li dar dikeve, dûre diçe bajarên din. Festîval yekemîn car li derveyî Stenbolê jî li dar dikeve û li gor bernameya festîvalê di navbera 13-16’ê kewçêrê de il Îzmîr, di navbera 20-23’yê kewçêrê de li Bursa û Konya, di navbera 27-30’ê mehê de jî li Amed û Trabzonê li dar dikeve.
 
Bernameya festîvalê hat eşkerekirin. Dîrektora Festîvalê Azize Tan got ku niha wan navê 30 fîlmî eşkere kirine lê di rastiya xwe de dê 40 fîlm bêne nîşandayîn û 10 fîlmên navên wan nehatiye eşkerekirin dê di rojên pêş de eşkere bikin.

Tan got ku digel par 43 hezar kesî li festîvalê temaşe kiriye jî îsal wan nekariye sponsor bibînin û bêyî sponsor festîvalê li dar dixin, em di meha rezberê de li benda her kesî ne ku bêne temaşekirina fîlman. Li ser fîlmê herî serketî yê festîvalê kîja ye jî Tan wisa got: "Bi ya min fîlmê Cefer Penahî 'Ev ne fîlmek e' derdikeve pêş û divê her kes lê temaşe bike. Penahiyê ku ji çêkirina fîlman hatiye mehkûmkirin di vî fîlmî de, mehkûmkirina sînemagerekî ji çêkirina sînemayê tişteke çawa ye nîşan dide.

Di festîvalê de fîlmên ku di festîvalên wekî Berlîn, Cannes, Venedîk û Toronto de promiyera dinyayê hatine kirin û xelat girtine dê bêne nîşandayîn.
Di 8 rojên festîvalê de fîlm dê li Beyogluyê li sînemayên Atlas û Beyoglu, li Nîşantaşi li Nişantaşi City's û li Maçkayê jî li Cinebonusê bêne nîşandayîn. Festîvala ku di sala 2002'yan de dest pê kir ji serî de li Sînemaya Emekê dihat nîşandayîn lê ji ber girtîbûna Emekê li salonên din derdikeve pêşberî temaşevanan.

Ji bilî Stenbolê, li bajarên din bi alîkariya bernameya MEDIA ya Yekîtiya Ewropayê festîval li dar dikeve. Li gor bernameyê li Îzmîrê li YKM Cinebonus, li Bursayê Sînemaya Burç, li Konyayê Sînemaya Kule Site, li Trabzonê Cinebonus Forum Trabzon û li Amedê jî li Avrupa Sinemasi dê fîlm bêne nîşandayîn.

Bilêtên fîlman îsal li Îzmîrê 10 Tl û 8 TL (yên erzan), li Bursa, Konya û Trabzon 8 TL û 5 TL (yên erzan) û li Amedê jî 5 TL û 3 TL (yên erzan) ne.
Li Stenbolê jî nava hefteyê (di seansên 1.00, 13.30, 16.00) bilêt bi 5 TL, seansên nava hefteyê yên 19.00 û 21.30 û dawiya hefteyê hemû de bi 14 TL û 8 TL (yên erzan) têne firotin. Di 1'ê rezberê de dê dest bi firotina fîlman bê kirin.

Vane hin fîlmên ku di festîvalê de derdikevin pêş:

• ELENA / Derhêner: Andrey Zvyagintsev
Andrey Zvyagintsev ku bi fîlmên xwe "Veger" û "Sirgûn" beşdarî Festîvala Fîlman a Stenbolê bûbû û rastî eleqeyeke baş hatibû vê carê bi "Elena" dibe mêvanê Fîlmekîmî.
Fîlm li Cannesê di beşa "Nêrîneke Diyar" de hat nîşandayîn û Xelata Juriyê girt. Fîlm çîroka Elena ku kurê wê ji bo pêşeroja xwe biryareke dijwar daye û jiyan veguheriye xemginiyekê. Her wiha fîlm rewşa ehlaq û fedekariya li Rusyaya niha digire bin lêpirsînê.

• Zarokê Bi Bisqilêt / BİSİKLETLİ ÇOCUK / LE GAMIN AU VELO / Derhêner: Jean-Pierre Dardenne & Luc Dardenne

Fîlmî di Festîvala Cannesê de Xelata Mezin a Juriyê tevî "Bir Zamanlar Anadolu" ya Nuri Bilge Ceylan girt.
Fîlm çîroka Cyril ê 11 salî ku bavê wî êdî wî naxwaze û li yêtimxaneyê dimîne bi zimanekî hikayeyî pêşkêş dike. Di serlîstikvaniya fîlm de Thomas Doret ê biçûk heye ku bi lîstina xwe gelek bal kişand.

• MELANKOLİA / MELANCHOLIA / Derhêner: Lars von Trier
Lîstikvana fîlm Kirsten Dunst bi rola xwe ya di vî fîlmî de li Cannesê Xelata Lîstikvana Herî Serketî girt. Derhêner li ser naveroka fîlm dibêje: "Fîlmekî xweş ê li ser dawîlêhatina dinyayê."

• SNOWTOWN / Derhêner: Justin Kurzel
Fîlmê derhênerê avusturyayî Justin Kurzel "Snowtown" li Cannesê Xelata FIPRESCİ girt. Jamieyê 16 salî di dema ku dixwaze ji şîdetê dûr here, nêzî kujer John Bunting tê.

• Ev ne fîlmekî ye / BU BİR FİLM DEĞİL / THIS IS NOT A FILM / Derhêner: Mojtaba Mirtahmasb & Cafer Panahi
Derhêner Cefer Penahî ji ber sedema piştgirî dabû muxalifên îranê ceza lê hatibû birîn ku 20 salan fîlm nekişîne û her wiha cezaya hepsê ya li mal dabûnê. Penahî di dema ku li mala xwe vê cezayê dikişîne hevalê wî derhêner Mojtaba Mirtahmasb ji bo rojekê tê serdana wî û ew li mal vî fîlmî dikişînin. Ew piştî kişandinê fîlm di USB'yekê de ku di nav pastayekê de veşartine derdixin derveyî Îranê û li Cannesê nîşan didin.

• Cihê ku ez dixwazim lê bim / OLMAK İSTEDİGİM YER / THIS MUST BE THE PLACE / Derhêner: Paolo Sorrentino
Fîlm wekî gelek fîlmên ku li ser Qampa Auschwitz ya di dema Şerê Cîhanê yê 2'yemîn de hatine kişandin, mijar3e digire dest. Fîlm îsal li Cannesê Xelata Yekîtiya Dêran girt.

• ARTİST / THE ARTIST / Derhêner: Michel Hazanavicius

• LA GUERRE EST DECLARÉE / Valérie Donzelli

• Baş e niha bi ku de? / PEKİ ŞİMDİ NEREYE? / WHERE DO WE GO NOW? / Derhêner: Nadine Labaki

• Perok / SALGIN / CONTAGION / Derhêner: Steven Soderbergh

• A DANGEROUS METHOD / Derhêner: David Cronenberg

• HWANGHAE / Derhêner: Na Hong-Jin

• Hûn bi xêr hatin Almanyayê / ALMANYA’YA HOŞ GELDİNİZ / WILLKOMMEN IN DEUTSCHLAND / Derhêner: Yasemin Şamdereli

• MARGIN CALL / Derhêner: J.C. Chandor

• Delala radizê / UYUYAN GÜZEL / SLEEPING BEAUTY / Derhêner: Julia Leigh