Diyarname

Îro maçên Koma B û Koma C hatin lîstin û 4 tîmên din ên ku derbasî Dora 16'an bûn diyar bûn.

Ji Koma B Belçîka û Danîmarka çûn

Di Koma B de yek ji favoriyan Belçîka tîma Fînlandiya kir mêvan û bi 2-0 ew têk bir. Di deqîqeya 74'an de Lukas Hradecky gol avêt keleha xwe û Belçîka bi 1-0 derket pêş. Di deqîqeya 81'ê de Romelu Lukaku encam diyar kir: 2-0. Belçîka di her sê maçan de jî bi ser ket û bi 9 pûanan ji komê derket.

Di maça din a vê komê de Danîmarkayê bi 4-1 Rusya têk bir û encameke wisa derket:  Belçîka 9 pûan, bi rêzê Danîmarka, Finlandiya, Rusay, her yek sê pûan lê Danîmarka bi avarejeke tenê di rêza duyemîn de cih girt û derbasî Dora 16'an bû.

Ji Koma C Hollanda û Avusturya çûn

Di Koma C de Hollanda di maça xwe ya sêyemîn de jî bi ser ket. Hollandayê Makedonyaya Bakur bi 3-0 têk bir û bi 9 pûanan derbasî Dora 16'an bû. Di maça din a komê de jî Avusturyayê Ûkrayna bi 1-0 têk bir û encam wisa çêbû: Hollanda bi 9 pûanan ji komê derket. Avusturya bi 6 pûanan wekî duyemînê komê derbasî Dora 16'an bû. Ûkraya di 3 pûanan de ma. Makedonyaya Bakur qet pûanên wê nîn in.

Maçên di dorê de

Di komên A, B û C de maçên koman temam bûn, tîmên derbasî Dora 16'an bûn diyar bûn. Sibê (22'yê mehê) maçên Koma D dê bêne lîstin.