Diyarname

Xelata Clara Zetkin ku ji sala 2007'an ve tê dayîn îsal didin siyasetmedar û Hevşaredara berê ya Amedê Gultan Kişanak.

Meclisa Jinan a HDP'ê ji ser hesabê xwe yê twitterê re ev xelat ragihand û got: "Xelata Rûmetê ya Clara Zetkin a 2021'ê dan hêja Gultan Kişanak. Em wê pîroz dikin. Li derve hundir bi piştgiriya jinane li hemberî pergala mêrparêz dê têkoşîna me bidome."

Partiya Çep a Alman (Die Linke) ji sala 200'an ve her du salan carek vê xelatê dide. Însiyatîfa ku vê xelatê dide armanc dike ku beşdariya jinan a li nav civakê xurtir bike, jîrekî û hêza wan a ku ji bo civakek wekhev û adil dixebitînin birûmet bike.

Di sala 2017'an de ev xelat dabûn mebûsa HDP'ê Feleknaz Ûca.

Clara Zetkin kî ye?

Clara Zetkin roja 5'ê tîrmeha 1857'an hatiye dinê û 20'ê pûşpera 1933'yan de mir. Zetkina ku yek ji pêşengên çepgirên alman bû, ji bo mafên dengdanê ya jinan, ji bo wekheviyê têkoşiya.

Zetkinyek ji avakarên Partiya Komunîst a Almanyayê (PKA) bû ku di rêbendana 1919'an de hat avakirin. PKA di navbera salên 1920-1933'yan de di Reichstagê (Meclisa Federal a Alman) de cih girt lê piştî Hitler hat ser kar, PKA hat qedexe kirin. Wê demê Zetkin çû Rusyayê û di sala 1933'yan de ji ber qeyrana dil mir. Gora wê li Moskovayê ye.

Gultan Kişanak kî ye?

Gultan Kişanak di 15'ê pûşpera 1961'ê de hatiye dinê. Kişanak ku bi xwe rojnameger e demek bû HEvseroka BDP'ê, di serdema 23 û 24'an de li Meclisa Tirkiyeyê li ser navê kurdan bû mebûs û di sala 2014'an de ligel Firat Anli wekî Hevşaredara Bajarê Mezin a Amedê hat hilbijartin. Kişanak niha girtî ye, û di Firtîgeha Kandina ya Tîpa F de ye.