Diyarname

Li çend welatan di meha gulanê de her yekşema diduyan wekî Roja Dayikan hatiye qebûlkirin û bi vî awayî tê pîrozkirin. Ji bo vê rojê em jî klîba Tara Mamedova "Dayê" derdixin pêş. Lê berî wê hin agahî:

Li gor hin agahiyan li eyaleta Virginia ya DYA'yê di sala 1905'an de jinek dimire. Keça wê ya bi navê Anna Jarvis ji bo bîranina diya xwe di sala 1908'an de şahiyeke li dar dixe. 407 dayik û zarok beşdarî vê şahiyê dibin û ev yek dibe wekî kevneşopî. Di sala 1914'an de ev roj bi awayekî fermî tê qebûlkirin. Tê gotin ku piştî salan dema ev roj dibe amûra bazirganiyê Anna Jarvis dij derdikeve, têkoşînê dide lê bi ser nakeve.

Li gor versiyoneke din li Antîk Romayê Berî Îsa bi 250 salan ji bo xwedawend Kîbeleyê roja dayikan tê pîrozkirin. Li Tirkiyeyê yekemîn car di sala 1955'an de ev roj hatiye pîrozkirin û ji wê rojê de roja yekşema diduyan a gulanê tê pîrozkirin. 

Ji bilî Tirkiyeyê li welatên wekî Danîmarka, Fînlandiya, Îtalya, Avustralya û Belçîkayê jî ev roj wekî Roja Dayikan tê pîrozkirin. Kurdên bakur jî wekî li ser vê bingehê Roja Dayikan pîroz dikin. Îro ev roj rastî 9'ê gulanê hat û îro bi ser tora civakî re bi hezaran peyam ji bo dayikan hatin belavkirin.

Em di vê rojê de klîba hunermend Tara Mamedova ya bi navê "Dayê" derdixin pêş. Mamedova di sala 2017'an de ev stran xwendiye û gotin û muzîk aîdê wê ne.

Em hêvî dikin dê dayikên kurd jî êdî negirîn û em vê klîbê ji bo hemû dayikan derdixin pêş.

Kerem bikin: