Diyarname
"Şorişa Xebera" pirtûka helbestan a Çerkezê Reş e ku ji Weşanên Belkî derketiye. Pirtûk helbestên piralî pêşkêşî xwendevanan dike.
Pirtûk di sala 1986'an de hatiye weşandin. Pirtûka niha li ber destên me ji tîpguhêziya ji krîlî ji bo latînî hatiye kirin û hatiye weşandin. Helbestvan Rênas Jiyan ji krîlî tîpguhêzî kiriye û amade kiriye. Jiyan ji bo pirtûkê pêşekek jî amade kiriye.
Çerkeşê Reş di warê helbestê de yekî serketî ye. Bi tema nivîsiye, kûr lê daye, peyv xweş lê anîne. Helbestên wî di bin sernavên "Orta Qurnada", "Ars Poetîka", "Laliş", "Hub û Şûşe" de hatine weşandin.
Rênas Jiyan helbesta Çerkezê Reş wisa dide nasîn, "Mirov dikare bêje ku wî bi helbesta xwe 'şoreş'ek çêkiriye. Helbesta wî di helbesta kurdî de şoreşek e; ji ber ku helbesta wî helbesteke xwedî hêmaya nûjen e û cara yekem em dibînin ku bi xêra wî, helbesta kurdî ji reh û kokên xwe yên resen avê vedixwe. Ev reh û kok qewlên êdaziyê ne, ev kurdayetî bi xwe ye."
Çerkezê Reş kî ye?
Çerkezê Reş di sala 1955'an de li gundê Zvartnovsê ya ser bajarê Êşmîazîna Yêrîwanê tê dinê. Dibistana navîn û seretayî li wê derê dixwîne û di sala 1970'yî de dest bi Beşa Pedajojiyê ya Enstîtuya Yêrîwanê dike. Ew 5 salan li wê derê dixwîne û teza xwe li ser wêjevan û nivîskarê kurd Heciyê Cindî dike. Çerkezê Reş di sala 1980'yan de li heman derê wesfê doktoriyê werdigire.
Nivîskar û helbestvan Çerkezê Reş li ser edebiyat û zimanê kurdî gelek xebat kirine. Wî li Zanîngeha Yêrîwanê di Beşa Ziman û Wêjeya Ermenî de ders dida. Di heman demê de edîtoriya rojnameya Mezopotamya ku bi kurdî û ermenkî bû dikir. Du pirtûkên wî yên helbestan “Dû pa eşqî qîza şevîn” (ku wî ev wekî helbestên ciwaniyê bi nav dikin) û "Şorişa Xeberan" derketibûn. Her wiha wî sê parêznameyên Abdullah Ocalan wergerandin ermenkî. Çerkezê Reş endamê Kongreya Neteweyî ya Kurdistanê (KNK) bû nûnerê KNK'ê yê Kafsakyayê bû. Çerkeşê Reş ku roja 20'ê adara 2008'an dimire.