Hewlêr

Piştî heft salan ji nebûna yasaya bûdce, Herêma Kurdistanê bo amadekirina reşnivîsa bûdceya 2021ê pêngavan davêje. Bo vê armancê jî hikûmetê herdu wezaretên darayî aborî, û plandanînê bo amadekirina reşnivîsa bûdceyê erkdar kirine. Wan wezaretan jî ji fermangehan xwastine û data û zanyariyan bixin ber destê wan.

Hêj projeyasaya bûdceya 2021ê a Iraqê nehatiye pesendkirin, ku eger weke xwe pesend bibe, jisedî 12.67 pişka Herêma Kurdistanê ye û dikeve nav bûdceya Herêma Kurdistanê, lê Herêma Kurdistanê hewil dide ku eger Bexda pişka wê neşîne jî, hikûmet bûdceya salane her diyar bike.

Li gor rêkftina hikûmeta Herêma Kurdistanê û hikûmeta Federalî ya Iraqê, birrê ji sedî 12.67 di reşnivîsa bûdceya 2021ê ya Iraqê de bo Herêma Kurdistanê diyar kiriye, heta niha jî li parlamentoyê nehatiye pesendkirin.

Biryarderê Komîteya Darayî ya Parlemantoya Kurdustanê, Seidedîn Êlxanî jî dibêje: Ne diyare kurtanîna bûdceya Herêma Kurdistanê çiqas dibe, lê eger Bexda jî pişka bûdceyê neşîne, pêwîst e hikûmet bûdceya salane diyar bike.

Heta niha bi hûrî nayê zanîn dahat û xeric û kurtanîna bûdceya Herêma Kurdistanê çiqas dibe.

Li gor bintarê yasayî yê pesendkirî yê dawiyê yê bûdceya sala 2013an, dahata Herêma Kurdistanê 15 tirilyon û 257 milyar û 849 milyon dînar bûye, xercî 16 tirilyon û 942 milyar û 749 milyon dînar bûye, û 1 tirilyon û 684 milyar û 900 milyon dînar jî kurtanîna bûdceyê wê salê bûye.

Pişka herî zêde ya dahata Herêma Kurdistanê ji firotina petrolê ye, ji xeynî wê, dahata gumrikê û xalên sînorî ne, herwiha alîkariya hevpeymanan beşekî dahata Herêma Kurdistanê pêk tîne.

Birîkarê Wezaret Plandanînê, Zagros Fetah dibêje, piştgirêdan bi wan dahatan bo amadekirina reşnivîsê bijardeya duyem dibe.

Di sala 2013ê de, 682 hezar û 849 karmendên Herêma Kurdistanê hebûn, lê niha hejmar bo 751 hezar û 805 kesî bilind bûye.

Niha li Herêma Kurdistanê 1 milyon û 251 hezar û 451 mûçexor hene, ku ji xeynî karmendên serbazî û şaristanî 242 hezar û 269 kes xanenişînin,  bo dayîna mûçe jî pêwîstiya hikûmetê bi 895 milyar dînarî heye.

Ji Rûdawê hatiye girtin