Amed

Berdevkê Platforma Zimanê Kurdî Şerefxan Cizîrî ji bo kurdî bibe xwedî statuyeke fermî nameyeke ji bo Serokomarê Tirkiyeyê û Serokê AKP'ê Recep Tayyip Erdogan re şand.

Erdoganî roja 22'yê meha borî li Qesra Serokomarî li ser zimanê tirkî axivî bû. Li ser vê yekê Cizîrî name ji Erdogan re şand û got: "Zimanê tirkî ligel ku zimanê fermî û zimanê perwerdehî-hînkirinê ye jî pirsgirêkên we anîn ziman dijî; zimanê kurdû ku ji 100 sal berê ve di bin zora asîmîlasyonê de ye niha di asta têkçûnê de ye. Wekî we jî gelek caran aniye ziman, asîmîlasyon sûceke mirovahiyê ye. Kî vî sûcî dike em bi hev re li dij derkevin. Em li dijî asîmîlasyonê têbikoşin. Ne tenê li Stenbol, Enqere, Çûkûrovayê, li bajarên ku piranî serjimarî kurdin de jî, her wiha li gundan jî hêdî hêdî zimanê kurdî ji zimanê axaftin-ragihandinê derdikeve. Loma wekî kes, malbat û civaka kurd di bin talûkeyeke mezin de ye."

Cizîrî gotiye xwestiye zordariyên li ser zimanê kurdî ku zimanê dor 25 mîlyon kesî ye bêne rakirin û ev yek gotiye, "Di dema serokwezîriya xwe de we hin reform çêkirini, gav avêtibûn. Divê ev reform bidomin û kurdî bibe xwedî statuya fermî. Em dixwazin li nexweşxane, banke, şaredarî, saziyên dewletê, Rêyên Hewayî yên Tirk û li cihên wisa yên raya giştî û dewletê kurdî bibe zimanê ragihandinê, em bawer dikin hûn dê gavan biavêjin û bikin ku kurdî ji dibistana seretayî heta zanîngehê bibe zimanê hîndekarî û perwerdehiyê."

Berdevkê Platformê Cizîrî di dawiya nameya xwe de gotiye ku wan wekî Platforma Zimanê Kurdî gelek caran hewl daye xwe bigihînin wan û rêveberên AKP'ê lê hewldanên wan bê encam mane û gotiye, "Ji bo em van daxwazên xwe ragihînin we em daxwaza hevdîtina rû bi rû dikin."