Diyarname

Klûba alman Bayern Munihê bi daxuyaniyeke agahî belav kir: Lîstikvanê neteweyî yê alman, lîstikvanê efsanewî Gerd Muller di 75 saliya xwe de mir.

Gerd Muller di sala 1945'an de li Nordlingena Almanyayê hatiye dinê.

Di navbera salên 1963-1981'ê de li tîmên wekî Nordlingen, Bayer Munih û Fort Lauderdale Strikers (DYA) lîst. Bi golên diavêt pênaseya "Bombeavêj" lêkiribû.

Mullerê di 607 maçên li Bayer Munihê lîst de tam 556 gol avêtin. Li Almanyayê 7 car bû golavêjê salê. Di Bundeslîgayê de bi 365 golan hê jî skor di destê wî de ye. 

Li Bayerê 4 caran bû şampiyonê Bundesligayê û 4 caran Kûpaya Almanyayê girt. 3 caran Kûpaya Lîga Şampiyonan girt, her wiha di sala 1970'ê de Xelata Goga Zêrîn jî girt.

Gerd Muller 62 caran formaya tîma neteweyî li xwe kir, ligel Tîma Neteweyî ya Almanyayê di sala 1972'yan de Kûpaya Ewropayê, di sala 1974'an de jî Kûpaya Cîhanê girt.

**
Hin golên wî: