Diyarname
2'yemîn Kongreya BDP'ê bi kurdî didome. Di kongreyê de Serokê Dîwanê Osman Ozçelîk bal kişand ser sed sal berê ya daxwaza perwerdehiya bi kurdî.
Kongreya BDP'ê bi hilbijartina dîwanê dest pê kir. Mebûsê berê yê BDP'ê Osman Ozçelik ku j ibo serokatiya dîwanê hat hilbijartin, bi kurdî û tirkî dest bi axaftina xwe kir û heta dawî wisa dom kir.
Ozçelik wisa got: "Sed sal berê, di destpêka sedsala 20'an de, piştî Meşrûtiyeta Duyemîn li Amedê Îttihat Terakkî civînek li dar dixe. Di wê civînê de tesbît dike ku kurd di serî de perwerdehiya bi kurdî dixwazin, dixwazin bi kurdî rojname û kovaran derxin. Ev peyam di rojnameya Peyman a ku Ziya Gokalp diweşand de bi kurdî û tirkî derket. Piştî sed salan Tayyip Erdoganê ku dibêje em demokrasiyê tinin dibêje; 'Ji me daxwaza zimakê zikmakî nekin, daxwaza xweseriya demokratîk nekin'. Ev kongreya me wê bibe sedema xweseriyê. em dibêjin An azadî, an azadî."
Pankartên bi kurdî, tirkî
Di kongreyê de gelek pankart bi kurdî, tirkî, suryanî hatin daliqandin. Hin ji wan:
- Xweseriya demokratîk statuya me ye, kes nikare red bike.
- Dawî li tecrîda li girtîgehan bînin.
- Kurdistana xweser, Tirkiyeya demokratîk
- Dawi li operasyonên siyasî û leşkerî bînin.
- Serokatî jiyana me ye em dest ji jiyana xwe berdnadin.
Nunerê YNK'ê beşdar bû
Di kongreyê de gelek mêvanên biyanî jî û kurdî jî hebûn. Nûnerê YNK'ê yê Enqereyê Behrûz Celalî, nûnerên balyozxaneyên welatên DYA, Almanya, Bulgaristan, Hollanda, Macaristan, Fransa, Îngilistan, Kanada, Sirbistan, Romanya, Rusya, Polonya û Meksîkayê amade bûn.
Agahiyên din gavek din....
--
Nûçeyên eleqedar
- Kongreya BDP'ê dest pê kir - 1