Diyarname
Di dema ku nivîskar li hemberî şer bêdengin de nivîskar Murat Belge dengê xwe derxist. Belge beşdarî bernameya Hilal Kaplan a di TV NET'ê de bû. Belgel bi gotinên xwe yên li ser pirsgirêka kurd, Hilal Kaplana ku heta niha Nuray Mert û Ece Temelkuran wekî alîgirên PKK'ê sûcdar kiribû û li dijî wan derketibû şaşwaz kir.

Belge li ser gotina "Pirsgirêka kurd tune ye, pirsgirêka PKK'ê heye" got ku ev gotin rastiyê nîşan nade û ne mimkûn e bi vê encam bê bidestxistin. Belge wisa got: "Ez wekî tirkek ne bi dewletê, bi artêşê re, ez dixwazin bi kurdên li çiyê re bijî." Belge got ku hikumet derûniya kurdan wekî civak û wekî kes fêm nake û bi vî awayî encam nayê girtin.

Li ser pirsa Hilal Kaplan a wekî "Li ser teza pirsgirêka kurd cihê, pirsgirêka PKK'ê tu çi dibêjî?"wisa got: "Ev mesele ne tenê nêzîkbûnake wan a ji aliyê aqil ve û  bi vî awayî derdîkertin e. Ew jî heye helbet. Lê tenê ne ew e. Ji aliyê fiîlî ve ev mirov xizmên hev in. Yê li çiyê birê min e, birê cîranê min e. Tuyê vê çawa ji hev cuda bikî? Rast yan ne rast, hinek ji bo rizgariya kurdan derketine çiyê, pevdiçin. Em bibêjin ez ne li ser wê fikrê me. Fikra, bi vê rêyê tiştek nayê bi dest xistin be jî, ji bo yên çûne çiyê ez nabêjem 'ehmed, ker'. Ez dizanim ku ev zilam bi niyeta baş çûye wir. Ji bo pereyan neçûye. Jiyana xwe xistiye talûkeyê û ji bo em hemû rehet bijîn çûye. Helbet ezê xwedî li wî zarokî derêm. Ev yek asta min a ehlaqî nîşan dide. Ez ji dêvla yên bibêjin 'begê min, generalê min, dev ji wî berde, ez bi te re me', ez naxwazim bi yên wisa re bijîm. Ji dêvla van, ezê bi yên din re bijîm."