DÊRSIM

Bernameya 11'emîn Festîvala Xweza û Çandê ya Mûnzûrê hat eşkerekirin. Festîval bi diruşma "Kilîta çiya, diyarê elewiya, axa azadî û agir ya qedîm, ji bo zelalî, jiyandin û azadiyê li Dêrsimê vegere" wê bi panel, konser, semîner, fîlm û gelek şahiyên din  roja 28'ê vê mehê dest pê kir.

Festîvala ku ji aliyê Şaredariya Dêrsimê ve tê organîzekirin heta 31’ê vê mehê dê li dar be. Vaye bernameya festîvalê:

28 Tîrmeh (saet 08.00-22.00):

Ji bo destpêkirina festîvalê li Pertekê pêşwazîkirin. Lîstika folklorê ya YÇKM'ê, lidarxistina pêşengeha wêneyan, gotûbêj, panel, konser û nîşandayîna fîlm.

29 Tîrmeh (saet 12.00-22.00):

Panela li ser çand û dîroka Dêrsimê, helbestxwendin, panela "Li dijî qirkirina jinê rêxistinkirina jinê û peymana civakî", konser, nîşandayîna fîlm

30 Tîrmeh  (saet 14.00-22-00):

Helbestxwendin, panela li ser pirsgirêka kurd, makeqanûna nû û konseya aştiyê, şano, konser, nîşandayîna fîlm

31 Tîrmeh (14.00-22-00):

Panela li ser gorên komî û winda, panela li ser pirsgirêkên Dêrsimê û derdorê yên bendav û xwezayê, meşa derdorê, nîşandayîna fîlm û konsera dawî ya festîvalê. ­