Diyarname

Malperan îstatîstîkên dinyayê li ser bikarhênerên înternetê agahî pêşkêş kirin. Li gor vê li Tirkiyeyê di 10 salên dawî de hejmara bikarhênerên înternetê ji 2 mîlyonî derket 35 mîlyonî; yanê sedî 1750 pêşketin çêbû.

Li gor malpera îstatîstîkan a dinyayê, vane hin agahiyên il ser bikarhînerên înternetê yên li Tirkiye û li welatên din ên dinyayê:

- Li welatên bakurê Amerîkayê sedî 78.3'yê gel înternetê bikar tînin. Li DYA'ya ku serjimariya wê 310 mîlyon e ji vê 245 mîlyonî zêdetir kes înternetê bikar tînin.

- Li Kanadaya ku serjimariya wê 34 mîlyon e 27 mîlyon kes jê înternetê bikar tînin. Li vê parzemînê li cihên wekî Bermuda, Gronland û St Pierre & Miquelon hejmara bikarhêneran bilez zêde dibe.

- Herî zêde bikarhênerên înternetê li parzemîna Asyayê ye. Li vê parzemînê ku 3 mîlyar û 900 mîlyon kes lê dijî jê 922 mîlyon kes înternetê bikar tînin.

- Li Koreya Bakur (Ku li Asya ye) 48 mîlyon kes dijîn ji van 39 mîlyon kes înternetê bikar tînin ku rêjeya bikarhêneran derdikeve sedî 81'ê.

- Lê herî zêde li Afrîkayê pêşketin zêbûye. Li Afrîkaya ku mîlyorek kes lê dijî di sala 2000'î de tenê 4,5 mîlyon kesî înternet bikar dianî di van 10 salan de ev reqem derketiye 118 mîlyonî. (Pêşketin: Sedî 2 hezar û 527)

Li vê parzemînê herî zêd eli Komara Demokratîk a Kongoyê pêşketin çêbûye; 10 sal berê li vir 500 kesî înternet bikar dianî niha ev hejmar gihîştiye 100 hezar û 503 kesî.

- Li parzemîna Ewropayê herî zêde li Almanyayê înternet tê bikaranîn: Ji 85 mîlyon kesên li Almanyayê 65 mîlyon kes bikar tînin. Li Norweca 4 mîlyon û 691 kesî bi giştî 4 mîlyon û 431 kes xwedî înternetê ye ku rêjeya bikarhêneran li vir derdikeve sedî 94,4.

- Li Tirkiyeyê di destpêka 2000'î de nêzî 2 mîlyon kesî înternet bikar dianî niha ev hejmar derket 35 mîlyonî.