Amed

Nûneriya Amedê ya Sendîkaya Rojnamegeran (TGS)li ser nûçegîhanê Evrenselê Cengiz Anil Bolukbaş li avahiya xwe daxuyanî da çapemeniyê. Nûnerê TGS'ê yê Amedê Mahmut Oral, Hevserok3e Komeleya Rojnamegerên Dîcle Firatê (DFG) Serdar Altan, Mebûsê HDP'ê yê Amedê İmam Taşcier, Serokê Baroya Amedê Cihan Aydin, Serokê Baroya Dêrsimê  Kenan Çetin, Nivîskarê rojnameya Evrensel Yusuf Karataş lê amade bû.

Roja 24'ê mehê 3 kesên xwe wekî "polîs" dabûn naskirin nûçegîhanê Evrenselê Cengiz Anil Bolukbaş girtibûn û xwestibûn ew ji bo wan ajanî bike û pêre jî ew tehdîd kiribû.

Nûnerê TGS'ê yê Amedê Oral di daxuyaniyê de got, "Kesên xwe wekî polîs nîşan dane bi vê kirina xwe di şexsê Bolukbaş de hemû xebatên pîşeyên me wekî sûc nîşan dane û ew terorîze kirine ku pêşerojê de dibe derkeve pêş be."

Oral got ku "Çapemenî azad e, kes nikare sansur bike" û ev yek lê zêde kir: "Mirov bi zorê yekî bike ajan bi xwe sûcek e. Ev yek tehdîd, heqaret, îşkence, sînorkirina azadiya kesî, xirab bikiranîna peywira xwe, gelek sûc di vê de hene û ji ber bi awayekî sîstematîk bê kirin ev yek dibe sûcê dijî mirovahiyê."

Oral peyama piştgiriyê yê Serokê TGC'ê (Cemiyeta Rojnamegerên Tirkiyeyê) Turgay Olcayto jî belav kir û diyar kir ku Olcayto bûyerê şermezar dike û piştgiriya xwe eşkere dike.

Mebûsê HDP'ê Taşçier di axaftina xwe de diyar kir ku li welatek ger rojnameer girtî bin li wî welatê demokrasî nîn e û got ku desthilatdariya ku têk diçe van tiştan dixe merîteyê.

Serokê Baroya Amedê Aydin jî diyar kir ku wekî Ferhat Tepe, Metin Goktepe, Ugur Mumcu, Musa Anter si dehan rojnameger bi kiryarner nediyar hatine kuştin û got ku bi tehdîdkirina endamên çapemeniyê mafê agahî girtina gel jî tê tehdîdkirin. Aydin got ku ew wekî Baroya Amedê amade ne ku ji aliyê hiqûqî ve piştgiriyê bidinê.