Diyarname
Karsazên Amedê jî naxwazin Eronata AKP'yî bibe mebûs. Parêzerên Hatip Dicle jî ji bo betalkirina mazbataya Eronat serî li YSK'ê dan.

Çawa YSK'ê mebûsiya Hatip Dicle betal kir, berendama AKP'ê ya Amedê ya di rêza 6'an de Oya Eronat bêyî heq bike cih de çûbû mazbata girtibû. Parêzerên Hatip Dicle serî li Lijneya Hilbijartinê ya Amedê da û xwest cih de mebûsiya Eronat bê betalkirin. Mebûsa mînaka mebûsê MHP'ê Mehmet Cihat Ozonder

Karsazên Amedê wê naxwazin

Wekîlê Serokê Odeya Sanayî û Ticaretê ya Amedê Diyadin Gezer reaskiyon li hemberî Oya Eronat da (bêyî li bendemayîna serîlêdana dirustkira biryara parêzerên Dicle bisekine, ji AKP'ê Oya Eronat çûbû mazbata girtibû). Gezer gotina Eronat a wekî "Bila ji bo gelê Amedê bixêr be" ku di rojnameyan de hat weşand nirxand û got ku ev gotin ne li gor ehlaqê û etîkê ye. Ev gotina wê dilê amediyan êşandiye. Dema em li reaksiyonên ji Amedê û ji herêmê tên ev gotina wê ne ji bo Amedê, ne ji bo herêmê û ne jî ji bo Tirkiyeyê bûye bixêr. Ger Oya xanim dixwaze bibe mebûsa Amedê divê dest ji vê mebûsiyê berde, ev yek dê hem ji bo Amedê û hem jî ji bo Tirkiyeyê bibe bixêr.

Yekemîn endamê lijneya rêveberiya TUSÎAD'ê û Serokê Giştî yê DOGUNSÎFED'ê (Federasyona Komeleyên Karsaz û Sanayiyê yê Başûrêrojhilat û Rojhilat) Tarkan Kadooglu got ku divê tu tiştek ne bi ser vîna gel re be û wisa got: "Kesekî ku bi dengên 80 hezar kesî hatiye hilbijartin, betalkirina mebûsiya wî ne karê kesî ye. Ev biryara YSK'ê wekî ku lîstik bi gel bê lîstin e."
Kadooglu mazbata girtina Eronat jî etîk nedîty

Serokê DOSÎAD'ê (Komeleya Karsatên Organîze Sayanî ya Amedê) Aziz Ozkiliç ku berî referandûmê gotibû ewê dengê "Erê" bide, di vê hilbijartinê de bûnû pêşberendamê AKP'ê û di nirxandina temayulî de di rêza yekemîn hatibû nîşandayîn lê AKP'ê ew wekî berendam nîşan nedabû jî axivî. Ozkiliç rexneyek tûj li Eronat kir û got: "Ez di cihê wê de bama minê îstîfa bikira. Kesê gel hilbijartiye dê li girtîgehê be û ewê here meclisê. Gotina wê ya du a di rojnameyan de jî bi awayekî eşkere henekên xwe bi gelê Amedê kiriye."

Serokê DÎSÎAD'ê Raif Turk jî got ku divê Eronat mazbatayê bi paş ve bide û got: "Berendrama rêza 6'an a AKP'ê ya Amedê mazbatayê heq nake, divê bi paş ve bide û li benda biryara Meclisê bisekine. Ev yek dê helwesteke bi rûmet be ku ji vê xebatê vegere."