Stenbol
Li gor rapora DÎSK-AR'ê li Tirkiyeyê reqeta betalan gihîşt sedî 17.68. Ev rêje û serjimariya welatên dinyayê jî dane ber hev.

Li gor raporê bi vegotina fireh li Tirkiyeyê hejmara betalan gihîştiye sedî 17.68 e. Bi vê hejmara betalên li Tirkiyeyê ji hejmara serjimariya 108 welatên dinyayê (ku dinya ji 224 welatan pêk tê) zêdetir e.

Lêkolîn di meha adarê de hatiye kirin. Di vê lêkolînê de kesên hêvîşikestî, yên ku di 3 mehên dawî de êdî li kar nagerin û kesên ji bo destpêka kar amade ne lê bê hêvî ne hatine hesabkirin. Yanê bi gotineke din bi 'vegotineke fireh' sedî 17.68'ê Tirkiyeyê betal in. Û dema kesên ku saetekê jî bixebitin wekî betal nayên hesabkirin jî li vê reqemê bê zêdekirin hejmara betalan digihîje sedî 22'yan.

Li gor rapora fermî ya Tirkiyeyê, li Tirkiyeyê 2 mîlyon û 816 hezar betal hene. Lê rapora DÎSK-AR'ê tevî betalên bê hêvî hejmar 5 mîlyon, hevî betalên veşarî jî hejmar digihîje 6 mîlyon û 131 hezarî. Raporê adara 2011'an û adara 2008'an daye ber hev û diyar kiriye ku di vê adarê îsal de 634 hezar betal zêde bûne.

Rapor dibêje ku 419 hezar kesên zanîngeh xilas kirine betal in
Di sala 2009'an de reqora mezin a betaliya dîroka Komara Tirkiyeyê sedî 20.64 bû.