Wisa bi dawî dibû çîrokên me: "Çîroka me li vir qediya, rehme li dê û bavê hazir û guhdaran." Lê ji bo vê çîrokê emê wisa bibêjin: "Ew gihîştin mirazê xwe û çîroka me li vir bi dawî bû. Rehme li dê û bavê temaşevanan" ji ber ku bi mîlyonan li Îngilistanê, li dor 2 mîlyar kesê li vê dawetê, li vê mehrbirîna Prens William û Kate Middleton temaşe kir.

Mehra Prens William û Kate Middleton li Dêra Westminster hat birîn.

"Ez William Arthur Philip Lois; Catherine Elizabeth ji îro û şûnde, di rojên baş û xirab de, di demên dewlemendî û feqîrî de, di dema başî û nexweşî de, li gor rêzgezên Xwedê diyar kirine, heta ku mirin me ji hev veqetîne, ez soz didim ku ezê ji te hez bikim û qîmetê bidim te. Û digel vê yekê ez pêvgirêdana xwe ya ji bo te radigihînim."

"Ez Catherine Elizabeth; William Arthur Philip Lois ji îro û şûnde, di rojên baş û xirab de, di demên dewlemendî û feqîrî de, di dema başî û nexweşî de, li gor rêzgezên Xwedê diyar kirine, heta ku mirin me ji hev veqetîne, ez soz didim ku ezê ji te hez bikim û qîmetê bidim te. Û digel vê yekê ez pêvgirêdana xwe ya ji bo te radigihînim."

Belê bi van gotinan bi dawî bû çîroka me ya ku 12 sal berê dest pê kiribû. Û bi temaşekirina 2 mîlyar mirovî kêliya nû ya çîrokê dest pê kir.