Diyarname
Endamê MP'ya BDP'ê Vakkas Dalkiliç ku li Rihayê qeyrana dil derbas kiribû û jiyana xwe ji dest dabû, cenazeya wî bi beşdariya hezaran hat definkirin.
Hevserokên KCD'ê Ahmet Turk, Aysel Tugluk, Hevseroka BDP'ê Gultan Kişanak, mebûsên BDP'ê Sirri Sakik, Hasip Kaplan, Bengi Yildiz, hunermend Ferhat Tunç, endamên Meclisa Partiyê (MP) ya BDP'ê Mehdi Perinçek, Şaredarê Berê yê Entabê Celal Dogan, rêveberên BDP'ya Riha, Entab, Semsûr, Meraşê, rêveberên ÎHD'a Entabê, nûnerên sendîkayên girêdayî KESK'ê, Wezîrê Berê yê CHP'ê Mustafa Yilmaz û nêzî deh hezarî kes li ser gorê bû. Cenazeya Dalkiliz li Goristana Asri ya Bahattin Nabikoglu ya Entabê hat veşartin.
Di axaftinên li ser gorê hatin kirin de Hevseroka BDP'ê Gultan Kişanak wisa got: "Di demek em ne li bendê bûn hevrêyê me Vakkas jiyana xwe ji dest da, vê yekê em gelek xemgîn kirin. Bi aliyê xwe yê kedkar di nav têkoşîna demokrasiyê ya vî welatî de cih girt. Heta nefesa xwe ya dawî xebitî."
Piştî Kişanak, Ahmet Turk jî axivî û wisa got: "Ji ber xebata wî ya ji bo têkoşîna kurd îro bi hezaran hevrêyê me li vê derê ne.Ew mîlîtanek bû ku du zarokên xwe şehîd dane têkoşîna azadiyê."
Piştî axaftinan Hevserokên BDP, KCD û gel ji bo şînê çû mala Dalkiliç a li Taxa Karataş.
VAKKAS DALKILIÇ KÎ YE?
Vakkas Dalkiliç di sala 1952'yan li Besniya Semsûrê hatiye dinê. Di sala 1977'an de di Şaredariya Entabê de wekî karker dest bi kar kir. Berî 80'ê wî karê sekreteriya herêmê û ya şaxê ya Sendîkaya Genel-Îş a DÎSK'ê girt ser milên xwe.
Salên 1984-85'an de Serokatiya Şaxa Bagimsiz Enerji-İş Sendikasi kir. Bi girtina vê sendîkayê re karê nûneriya Bajêr û Herêmê ya Sendîkaya Tes-İşê girt ser milên xwe.
Dalkiliçê ku di navbera salên 1990-92'yan de rêveberiya Şaxa ÎHD'ê kir piştî 92'yan peywira Serokatiya Bajêr a HEP, DEP, HADEP, DEHAP'ê kir. Dalkiliz ku endamê MP'ya BDP'ê bû di dema hilbijartina 2007'an ji Serokatiya DTP'ê ya Entabê îstîfa kiribû û ji lîsteya berendamên mebûsiyê yên Hezar Hêvî yên serbixwe bûbû berendamê mebûsiyê.
**
Nûçeya eleqedar:
.jpg)
.jpg)
