Diyarname
Komek sazî ku têde piranî jî yên tirk hene ji bo aştiyê hînê kurdî dibin.

Komek sazî ku di nav wan de 78'ler Girişimi, Bariş İçin Sanat Girişimi, Bariş Meclisi, Karşi Sanat Çalişmalari, Enstîtuya Kurdî ya Stenbolê, Kurt-Kav, Sol Hareket, Tarih ve Toplum Bilimleri Enstitüsü Dernegi, TİHV hene daxuyaniyeke dan çapemeniyê û gotin; "Em ji bo aştiyê fêrî kurdî dibin".

Ji bo vê hewldana xwe ragihînin çapemeniyê li Cezayîr Restorantê daxuyaniyeke dan çapemeniyê. Daxuyanî bi tirkî ji aliyê Fatma Balpetek û ya kurdî jî ji aliyê Fehim Işik ve hate xwendin.

Di daxuyaniyê de qala daxwaza perwerdehiya bi zimanê zikmakî ya ji aliyê gelan ve anîn ziman û wisa hate gotin: "Perwerdehiya bi zimanê zikmakî mafê xwezayî ya hemû mirovan e. Divê ev maf wekî jiyînê bê naskirin û bê parastin. Gengeşiyên li ser vî mafî yên wekî ku wê ev maf were naskirin an na, ku were naskirin wê bi çi awayî û heta çi radeyî were naskirin, bi gotina herî hêsan, gengeşiyên dijî mirovatiyê ye. Êdî divê bêyî ku dem bê windakirin, bêyî ku hincetekî jêre bê dîtin divê gav bên avêtin."

Ew vê gavê wekî gava pêşîn dibînin û van lê zêde dikin: "Ew kesên ku êdî 'ji yên din' hayîdar bûne, wan dibînin û dibihîsin û fam dikin, agno yên wekî me ji xwe pirsî, 'Gelo em dikarin çi bikin?' Ji bo bersiva wê jî em jî ketin rê! Me dît ku di çareserkirina vê pirgsirêkê de alîkariya herî mezin ew e ku em jî zimanê xwişk, bira û cîranên xwe yên ku bi salan e -bi darê zorê be jî- fêrî zimanê me bûne, em jî fêrî zimanê wan bibin. Ji ber ku pirsgirêka herî rojevî û sereke bû, me ji kurdî dest pê kir; bi vê pêngavê me xwest ku yên dilxwazên aştiyê jî zêdetir xurt û qewî bibin."

Saziyan ban kir ku her kes xwedî li ev banga wan derê û ji bo kurdî gotin "VÎRA".

Li gor kampanyaya ku van saziyan da dest pê kirin dersa yekemîn a kurdî li cihê daxuyaniyê hate dayîn û dersên din 6 hefteyan her roja duşemê li navbera saetên 19.30-21.30'an de li Sol Hareketê* li dar bikeve. Di van 6 hefteyan de bi giştî dê bikin ku peyv û gotinên kurdî yên rojane, yên sereke bi wan bidin hînkirin. Piştî 6 hefteyan yên bixwazin dikarin herin saziyên ku qursê didin û hînê kurdî bibin.

*Navnîşan: Suslu Saksi Sok. No: 13, Qat 2, Taksim / Stenbol

Foto: Salih Turan