Diyarname

Rojnameya navdar The New York (NYT) Timeê îro navê kesên ji ber vîrusa koronayê li DYA'yê mirine di manşeta xwe de nivîsandin û hemû rûpela pêşî ji bo wan veqetand. Vê yekê li dinyayê nav da.

Li Dewletên Yekbûyî yên Amerîkayê hejmara kesên ji ber vîrusa koronayê mirine digihîje 100 hezar kesî. Rojnameya amerîkî ya navdar NYT ji bo bolê bikişîne ser vê yekê rûpela xwe ya peşî ji navên kesên mirine çêkir. Di rûpela yekemîn de karîn nêzî hezar navî bi cih bikin û yên din jî di rûpelên din de bi cih kirin.

Ji edîtorên rojnameyê Simone Landon ku nûçe çêkiriye gotiye ku wan bi hefteyan hemû rojname şopandine, li îlanên mirinan mêze kirine û ev yek lê zêde kiriye: "Her mirov taybet û tekane bû. Ji bo em wan bibîr bînin me ev yek kir."

Edîtorê nûçeyên neteweyî Marc Lacey jî wisa gotiye: "Min xwest em tiştek çêbikin dema 100 sal paşê kesek li niha binêre bibîne ku çi bi ser me de hatiye, em çi jiyan."