Diyarname

Ma eyro 3 kitabanê serê kirmanckî de hameyê hedrekerdin kenê meyman, herîrî zî yê Roşan Lezgînî yê.

'DERSÊ ZIWANÎ'

Kitabo bi hamey "Dersê Ziwanî, Kirdkî-Kirmanckî-Zazakî-Dimilî" hamew hedrekerdin ziwanê cê tenê kirmanckî yo û dersanê serê kirmanckî de pêşkêş keno. Niştox Roşan Lezgînî serê kirmanckî de zahf dersî dayê. Di enî dersan de notê ke ê niştîbî seba kitabî ser o xebetiyayo û peynî de kitab kerdo hedre. Dimay notê xo sererast kerdê henî çî ro înan zêde kerdê û kitab temam biyo. 

Kitab de verî zey çekuyanê termolojiya kirmanckî ferhengokêk qic, dima ra zî dersî hamey pêşkêşkerdin. Dimay her derse jî nişteyke qeybî wendişî kitab de ca kerd a.

'GRAMERA KIRDKÎ'

Kitabo bîn ê Roşan Lezgînî bi namey 'Ji Bo Kurmancan Bi Awayê Muqayeseyî Gramera Kirdkî' neşr biyo.

Na kitab bi kirmanckî û kurmancî yo. Tera armanc ew o ke ê kurmancî baş zanê bi rey kurmancî bimûsê gramerê kirmanckî û zaravaya kirmanckî. 19 dersan de gramer hamew hedrekerdin.

'ZAZALAR'

Kitabo bîn ke beno meymanê me bi tirkî yo. Roşan Lezgînî bi namey "Toplumsal Kurt Gruplarindan Zazalar" (Komê Civakî ê Kurdan ra Zazay) kitab kerdo hedre. Ê hetê kok, erdnîgarî, ziwan, bawerî û edebî ra meselay kirmancan (zazayan) girota dest.

Hema zî henî ke vanê zazay (kirmancî) kurdî niyê û ene îdîaya xo dewam kenê. Roşan Lezgînî di kitabo 167 rîpelî de bersiv dayo enî îdîayan û gorey ma ra mesela zelal kerd a.
Xeynî enî kitaban, ferhengo "Kurdî (Zazakî)-Tirkî" ke Lezgînî kerdo hedre û Weşanê Roşna ra veciyayo zî est o. Ew jî fêdeycê qeybî mûsnayişê kirmanckî est o.

- Zazalar / Roşan Lezgîn / Weşanê Roşna / 2016 / 167 rîpelî

- Gramera Kirkdî (Zazakî) / Roşan Lezgîn / Weşanê Roşna /223 rîpelî

- Dersê Ziwanî / Roşan Lezgîn / Weşanê Roşna / 2012 / 127 rîpelî

***

- 2019: Fermo hemû pirtûkên kurdî yên 2019'an de derketine