Diyarname

Dîrektor Rêxistina Tenduristiyê ya Dinyayê (WHO) Adhanom Ghebreyesus li navenda wan a li Cenevreyê bi telekonferansê daxuyanî da çapemeniyê û got: "Em hê rastî rewşa herî xiras nehatine."

Dîrektor Ghebreyesus li hemberî vîrusa koronayê banga "Piştgiriya gerdûnî" kir û got ku ger ev yek çênebe dê hê zêdetir mirov bimirin. Ghebreyesus wisa dom kir: "Bawer bikin ger ev piştgiriya gerdûnî nebe bawer bikin hê rewşa xirabtir li pêşberî me ye. Em pêşî li vê trajediyê bigirin. Ev wisa vîrusek e ku hê gelek kesî fêm nekiriye ku çi ye."

Dîrektorê WHO'yê got ku vê vîrusê ji bo pevçûna hev, di warê siyasî de ji bo bidestxistina pûanan bikar neynin, ev rewşek bi talûke ye û pê nelîzin, bi hev re bixebitin.

'Koka wê ji heywanan tê'

Li aliyê din WHO'yê diyar kir ku hemû delîl nîşan d didin ku ev vîrus ne di laboratûarê de hatiye çêkirin, koka wê ji heywanan tê. Diyar kirin ku heta niha tu delîlek ku ev vîrus di laboratûaran de hatibe çêkirin nehatiye dîtin.