ENQERE
Serokê Giştî yê CHP’ê Kemal Kiliçdaroglu di axaftina xwe ya 15’mîn Komcivîna Awarte de carek din peyva kurdî bilêv nekir, soza wê pirsgirêkê di çarçoveya “hiqûqa hemwelatiyê” de çareser bikin da. Kiliçdaroglu got; “Lozan seneda me ya tapûyê ye, emê ji wê senedê bikevin rê û çareser bikin. Emê di çarçoveya hiqûqa hemwelatiyê de, mafê mirovan de, azadî, aştî û di mêhwera kedê de çareser bikîn.”

Serokê Giştî yê CHP’ê Kiliçdaroglu, di 15’mîn Komcivîna Awarte ya partiyê de hikumeta AKP’ê bi zimanek tund rexne kir û got, Tirkiye berbi faşîzmê ve diçe.

TIRKIYE HÊDÎ HÊDÎ BER BI FAŞÎZMÊ VE DIÇE

Kiliçdaroglu, “Tirkiye hêdî hêdî ber bi faşîzmê ve diçe. Me berî niha jî ev gotibû. Ber bi îktîdara yek partiyê ve diçe. Dibêje min her tişt çareser kirin lê tenê min CHP çareser nekir. Birêz Serokwezîr tu li vir nikarî çareser bikî, ev der temînata Tirkiyeyê ye. Ji bîr nekin ku, çi pêkûtî, çi hêz hevkariya me ya bi gel re nikare asteng bike. Emê bi hevkariya gel hêza xwe bidin nîşakirin û emê vê rêkûpêkiyê xirap bikîn.”

LOZAN SENEDA TAPÛYA ME YE

Kiliçdaroglu di axaftina xwe ya ku saet û nîv dom kir de carekê jî peyva kurd ne anî ser zimanê xwe. Kiliçdoroglu li ser pirsgirêka kurd wisa got: “Eger pirsgirêka Başûrê rojhilat çareser nebe ev qebeheta saziya siyasetê ye. piştguh kirin, gotin leşkeran çi xwest me da; kar ji ser milê avêtin. Di vê mijarê de hevgirtî û fikrê herî rast diafirîne partiya CHP’ê ye. Di destpêkê de me rapora xwe sala 1989’an de nivîsî. Niha em rapora xwe nû dikin. Bi hevkariya civakî û bi awayekî biratî emê çareser bikin. Eger pirsgirêkek ya Tirkiyeyê hebe, wê demê çareseriyekî CHP’ê jî heye."

MEM Û ZÎN JÎ Ê ME YE

Kiliçdaroglu bang li hemwelatiyên Rojhilat û Başûrêrojhilat (hûn vê hevokê wekî kurd bixwînin) kir û wisa got: "Em qartiya we ne, me hembêz bikin. Aliyê rojhilatê Firatê jî aliyê rojava jî yê me ye. Bêrîvan jî ya me ye, Hakan jî yê me ye. Rojîn jî, Agop jî yê me ye. Ferhat û Şîrîn jî, Mem û Zîn jî yê me ye. Emê hemû civakê hembêz bikin

HIN GOTINÊN DIN ÊN KILIÇDAROGLU

Û hin gotinên din ên Kiliçdaroglu ku derketin pêş jî ev bûn:
Zagoneke Bingehîn
Dadgeha Îdarî ya Bilind a Leşkerî wê bê rakirin.
Dadgehên ku ji dêvla DGM di jiyanê de ne wê bêne rakirin.
Çapemenî wê azad û serbixwe be
Kuştinên kiryar nediyar wê bêne çareserkirin û çete derkevin holê
YOK wê rabe.
Wê Sîgorteya Malbatê bê derxistin û feqîrî ji holê rabe.
Temsîla jin û ciwanan wê di meclisê de zêde be
Bendava hilbijartinê ya sedî 10 wê robe.
Zagonên hilbijartinê wê rabin, hemwelatî wê mebûsê xwe hilbijêre.
Projeya GAP'ê wê gavek zûtir bê temamkirin.
Erdên bi mayîn ên li Başûrêrojhilat wê ji mayînan bêne paqijkirin û ew li gundiyan bêne belavkirin.
Pirsgirêka betalî û kar a li Rojhilat û Başûrêrojhilat wê bi razemeniya dewletê bê çareserkirin.
Wê ji talana hawirê re bêjin bisekne.

LÎSTEYA MP'YA KILIÇDAROGLU

Di kongreyê de wekî blok lîste wê dengdan pêk bê. Kiliçdaroglu ji van kesan lîsteya xwe ya Meclisa Partiyê (MP) amade kir:
Yaşar Agyuz Yakup Akkaya Engin Altay Ali Arslan Sencer Ayata Enver Aysever Suheyl Batum Gulsum Bilgehan Mehmet Volkan Canalioglu Osman Coşkunoglu Muhammet Çakmak İzzet Çetin Doga Çigdemoglu Mesut Deger Turgut Dibek Zeki Durmaz Atilla Emek Didem Engin Aykan Erdemir Haluk Eyidogan Levent Eyipdiren İsa GOk GOkhan Gunaydin Mehmet Zeki Gunduz Hurşit Guneş Emrehan Halici Turan İçli Sena Kaleli Osman Kaptan Atilla Kart Ayten Kayalioglu Sema Kendirci Osman Koruturk Ali İhsan KOkturk Bulent Kuşoglu Faruk Lologlu Aylin Nazli Ata Bertil Emrah Oder Ekrem Oktay Gulsever Onanç Melda Onur Umut Oran Oguz Oyan Ensar Ogut Veli Ozdemir Ramazan Kerim Ozkan İhsan Ozkes Mehmet Ali Ozpolat Faik Oztrak Ali Arif Ozzengin Huseyin Pazarci Zuhal Sanli Perihan Sari Atilla Sav Vahap Seçer Mehmet Ali Susam Bihlun Tamayligil Mahmut Tanal Sezgin Tanrikulu Gursel Tekin Binnaz Toprak Erdogan Toprak Riza Yalçinkaya Huseyin Yildiz Ayşe Ataç Yilmaz Alaaddin Yuksel

LÎSNEYA LIJNEYA ZANYARAN

Lîsteya Lijneya Zanyaran jî ji van kesan pêk hat: Onay Alpago Mevlut Aslanoglu Ufuk Ataç Deniz Pinar Atilgan Selçuk Şafak Atilgan Seyhan Erdogdu Birgul Ayman Guler Hulya Guven Ercan Karakaş Omer Kurtaş Nihat Matkap Nur Serter Nurcan Şanli Alper Taşdelen Ali Tezel Servet unsal Sacid Yildiz Nuran Yildiz