Diyarname
Di çarçoveya Festîvala Çand û Hunerê ya Batman Heskîfê de Parka Mele Evdile Timoqî li Batmanê vebû.
Mebûsê BDP'ê yê Warê Ozdal Uçer, Hevserokên BDP'a Batmanê Saadet Becerikli û Şehmus Aslan, Wekîlê Şaredarê Batmanê Serhat Temel, Şaredarên BDP'ê yên Kercewsê, Qozliş û Bekiranê, Cîgirên Şaredarê Batmanê Gulistan Akel, Hamza Ayiş, Mustafa Tugyildiz, rêveberên BDP'a Batmanê û navçeyên wê, endamên saziyên sivîl û gel beşdarî vekirina parkê bû. Her wiha kurên Mele Evdilayê Timoqî Mehmet, Mahmut, Hamit û Mustafa Begik amade bûn.
Axaftina destpêkê ji aliyê Wezîkêl Şaredarê Batmanê Temel ve hate kirin û dûre mebûsê BDP'e Uçar axivî. Uçar got ku em li vê derê di warê civakî û çandî de çalakiyên însanî dikin, rayedarên dewletê û nûnerên desthilatdariyê li meclisê bi girtina biryara şer re mijûl in.
Piştî axaftinan mebûs Uçer, Wekîlê Şaredar Temel, Hevserokên BDP'a Batmanê û kurê Mele Evdilayê Timoqî Mehmet Begik bi hev re qûrdele birîn û parka xistin xizmeta gel.
Bernameya 7'emîn Festîvala Çand û Hunerê ya Batman-Heskîfê bi vekirina pêşangehan û panelan didome.
**
Nûçeya eleqedar: