Diyarname
Yek ji endamên malbata Bedirxaniyan gorbihuşt Kamiran Bedirxan di jiyana xwe de kedek mezin daye. Heta niha gelek wêneyên wî hatine weşandin lê niha yek hat belavkirin ku zêde nayê zanîn. Di wêneyê de Kamiran Bedirxan dersa kurdî dide. Lêkolîner û nivîskarê kurd Rohat Alakom ji ser twittera xwe re ev wêne weşandiye û wisa gotiye: "Zimanzan Kamiran Bedirxan berî 50 salan havîna 1971an hatiye Swêdê bona zimanê kurdî hînî hemwelatiyên xwe bike. Li jêrê em wêneyekî vê qursê diweşînin. Kesê li aliyê çepê xwendekar Cemal Alemdar e."
Em vî wêneyî wekî Wêneyê Rojê hildibijêrin û pêşkêşî we dikin...