Diyarname

Bi navê "Kubar" kovareke wekî online dest bi weşana xwe kir. E-kovara Kubar dê li ser mijarên moda, makyaj û her tiştê têkildarî jiyanê weşana xwe bidomîne.

Heta niha bi navê e-kovar li ser înternetê bi kurdî kovar hatine amadekirin û weşandin, niha yek li wan zêde bû: Kubar.

Kubar di bin edîtoriya Ayşenûr Ozel û Leyla Arısoy dest bi weşanê kir û şêwirmendî û redaktoriya kovarê Înan Eroglu dike.

Kovarê li ser weşana xwe wisa gotine: "Daxwaziya me ev e ku hûn bi kêfxweşî bixwînin. Armanca me ev e ku em modaya cîhanê û ya kurdan nîşan bidin. Bêguman kêmasiyên me gelek in di vê mijarê de. Em bawer dikin ku em dê bi pêş bikevin. Hûn dikarin ji bo nivîs û pêşniyazên xwe bi kubarkovar@gmail.com re têkilî deynin."

Di vê hejmara xwe ya 1'em de li ser mijarên wekî Şêwaza Xeftanan, Bedil, Kum, Diyet, Sersal, Trend, Instagram. Makyaj, Dekorasyon, Favoriyên Mehê, Kê Li Xwe Kir?, Bijarteyên Kubarê, Pêşniyaz, Kubarê/a Mehê û Pirsiyarname nivîs û foto weşandine.

Kovara ku ji 26 rûpelan  pêk tê di berga hejmara yekem de wêneyê jinek kelhor a ji Kirmanşanê bikar anîne.