Diyarname

Vê hefteyê yek jê anîmasyon 6 fîlm hene ku ketine vîzyonê. Fîlmê anîmasyonî li Tirkiyeyê ji aliyê derhêner Ahmet Erdal ve hatiye amadekirin: "Bulmaca Kulesi". Ji bilî vê fîlmê Ali Atay "Cinayet Susu" ji Tirkiyeyê heye û yên den ji derveyî Tirkiyeyê ne. Di nav fîlmên vê hefteyê de "The Staggering Girl" derdikeve pêş.

"The Staggering Girl" bi navê "Çarpici Kiz" hatiye wergerandin û ketiye vîzyonê. Fîlmê ku Luca Guadagnino kişandine lîstikvan Julianne Moore, Mia Goth, Kyle MacLachlan û Marthe Keller rolên sereke girtine ser milên xwe.

Kêm caran kurtefîlm dikevin vîzyonê ku ev jî yek ji wan e. Fîlmê 35 deqîqeyî yekem car di Festîvala Fîlman a Cannesê de derketibû pêşberî temaşevanan, li Tirkiyeyê jî vê mehê di çarçoveya "Fîlmekîmî" de hatibû nîşandayîn. Fîlmê ku çîroka dê û keça wê derdixe pêş bi taybetî bi dîtbariya xwe balê dikişîne. Fîlm di navbera Roma-New Yorkê, di navbera paşeroj û îroya wan de diçe û tê.

Vane hemû fîlmên vê hefteyê:

- After the Wedding / Derhêner Bart Freundlich

- Tre Sekunder / Derhêner Andrea Di Stefano

- Le daim / Derhêner Quentin Tepieux

- The Staggering Girl (Derhêner Luca Guadagnino

- Cinayet Susus / Derhêner Ali Atay

- Bulmaca Kulesi / Derhêner AHmet Erdal / Anîmasyon