Diyarname
Di ene xebere de ma hînê xeberê tewir bi tewiran pêşkêşê şima bikerê ke herîrê jî serê pîrekan de yê..
1- Pîrekêke zey astronot şima aşmî
NASA eşkera kerd de go robotêke bişrawê aşmî û di enî çarçovî de go rey joyînan pîrekêke astronote şora aşmî.
Daîrey Feza û Ezmani yê Neteweyî yê Amerîka (NASA) eşkera kerd ke go namew hem astronotan hem jî robotêke bişrawê aşmî. Rêveberê NASA Jim Bridenstine vat ke roboto bi namey "Viper" go xo ro hutbê başûr ê aşmî de xo rûno û fotografan banco û nimûney erdî bido pêser. Plan a wa ke di serey 2022'yan de Viper şoro aşmî.
Rêveberê NASA vat ke go di astronotan ra jo pîreke bo, la belkî wirdî jî pîrekî bê.
2- Alîkarî qeybî fûtbolê pîrekan
Jobîney Federasyonê Fûtbolî yê Miyandewletî (FIFA) vat ke înan perey ke qeybî fûtbolê pîrekan bare kerdo veto di qatê cê û eno alîkarî reya mîlyar dolarî. Butçey alîkarî yê qeybî fûtbolê pîrekan 500 mîlyan dolar bî.
FIFA hedefêke bîn day vernî xo ke qeybî pîrekan tûrnûvay Lîga Miyandewletî û Kûpaya Dinya virazo. Qeybî eney jo go mengey adarê 2020'î de biryar bêro girotişî.
Reyna FIFA eşkera kerd de di tûrnûvay Kûpay Cîhanî ya 2023'nande go hejmarey tîman 24 ra vecê 32 tîman.
3- Qeybî pîrekan qelîtey jiyane
Îstîtîstîkê Ewlehî û Aştî yê Pîrekan ê 2019'inan hamey eşkera kerdin. Gorey enî îstatîstîkan ra qeybî pîrekan jiyana tewr bi qelîte Norwec de wa. Norwec eno het de di miyanê 167 welatan de bîyo joyîn.
Enî îstatîstîkî rocê 22'yê ene menge de hamey eşkerakerdin. Hetê îstîhdam, ewlehî, temsîlo siyasî û azadiya aborî de û henî krîterê bînan de nirxandin hamey kerdin û Norwec biyo joyîn.
Serey 2017'inan ra nat lêkolîn yeno viraştiş.
Nimay Norwecî di rêzey diyinan de Swîsre, dimara Fînlandiya, Danîmarka û Îzlanda yenê. Di miyanê 167 welatan de Tirkiya di rêzey 114'inan de ca girota.