Diyarname
Komara Gel a Çînê ku di gelek waran de di nav welatên hêzdar de ye vê carê ji bo fûtbolê hedefa xwe diyar kir. Çîm di vî warî de ji bo bibe hêza super hedefên xwe eşkere kir. Li gor vê planê heta sala 2030 welat li Asyayê dê bibe xwedî yek ji tîmên baş û heta sala 2050 jî dê 50 mîlyon lîstikvanên fûtbolê bigihîne ku ji van dê 30 mîlyonê wê zarok bin.
Komîsyona Reform û Peşketina Neteweyî ya Çînê, Komeleya Fûtbolê ya Çînê, Ofîsa Sporê û Wezareta Perwerdehiyê bi hev re plan saz kirine û belav kirine. Plan ji sê gavan pêk tê. Li gor vê di gava yekemîn de heta sala 2020'î dê bingeha fûtbolê bê avêtin. Dê hejmara xwendekarên dibistana seretayî û navîn ên fûtbolê dilîzin bê zêdekirin û hejmar bigihîje 30 mîlyon î.
Di gava duyemîn de jî hedef ew e ku di navbera sala 2021-2030'î de bingehek xurt ji bo fûtbolê bê avêtir û wisa hatiye gotin: "Li Asyayê tîma neteweyî ya lîstikvanên mêr pêş bikeve, di warê jinan de jî tîm dîsa bibe yek ji tîmên herî bi hêz ê dinyayê."
Heta 2050'î jî fûtbol pêşketina xwe ya li Çînê temam bike û li dinyayê bigihîje asta bilind.
Edîtora Asyaya Rojhilat a BBC Celia Hatton dibêje Serokdewletê Çînê Şî Jînpîng berî bê ser kar xwestibû ku Çîn beşdarî Kûpaya Cîhanê bibe û ji bo tûrnûvayeke Kûpaya Cîhanê mazûvanî bike. Berî ew bê ser kar ji bo tîma fûtbolê ya neteweyî tu plan nehatibû kirin. Şî ku ji fûtbolê hez dike gelek caran bang kiribû ku perwerdehiya pêşketî ya fûtbolê bidin ciwanan û standarda lîstikê pêş bixin.
Par ji bo fûtbolê reformek li meclisê hatibû qebûlkirin.
Tîma Neteweyî ya Çînê ya mêran yekem car di sala 2002'yan de beşdarî Tûrnûvaya Kûpaya Cîhanê bûbû, tîma jinan jî di sala 1995'an de di Kûpaya Cîhanê de bûbûn çaremîn. Wekî gelek welatan li Çînê jî fûtbol gelek tê temaşekirin.
BBC