Diyarname
Dema pirsên wisa bêne kirin: Hanefi Avci nivîskar e? Ew îşkencekar e? Ew dostê çepgiran e? Ew îstîxbaratkarekî ye? Wî bûyera Sûsûrlûkê zelal kir? Wî agahiyên li ser bûyera Sûsûrlûkê veşartin? Wî îstîxbarata Fetullahparêzan eşkere kir? Wî li însanan îşkence kir? Wî ji însanan lêborîn xwest?
Ew kî ye û çi ye?
Bersiva we çi dibe bila bibe, bersiva van pirsan çi dibe bila bibe lê Hanefi Avci her di rojevê de ye û ev rojevîbûna wî zêdetir pere pê dide karkirin. Hûnê bibêjin çima? Her ku nîqaş zêde dibe pirtûka wî ya dawî "Haliçteki Simonlar" zêdetir tê firotin.
Ji pirtûk heta niha 550 hezar heb hatine çapkirin û ji wan 400 hezar heb hatine firotin. Pirtûk bi 25 TL'yî tê firotin. Avci jî ji pirtûk heta niha nêzî 900 hezar TL'yî bi dest xistiye. Tê gotin ku ev binçavkirina Avci (ku tê bawerkirin Fetullahparêzan ew daye girtin) wê bi kêrî firotina pirtûk bê. Weşanxane dibêje ku ev 550 hezar pirtûk dê bêne firotin. Ger 550 hezar hebû bêne firotin û para bacê jî jê derê dê mîlyonek û 233 hezar TL pere bikeve bêrîka Avci.