Diyarname
Komeleya Nivîskarên Kurd li ser biryara dadgehê ku mehekê cezaya girtinê daye Azadiya Welat daxuyaniyeke weşand. Komeleyê xwest ku her kes vê biryarê şermezar bike.
Komeleyê di daxuyaniya nivîskî ku weşand de wisa dibêje: "Ev biryar şanî me dide ku dewlet dixwaze qedekariyê wekî şûrê demoklesê li ser serê kurdî û kurdan bihejîne! Dewleta ku di medîa dîtkî û nivîskî a Tirkiyeyê de ‘temaşevan’ê her cure niqaş û guftûgoyên derbarê çareserkirina pirsgirêka kurde ye, ji ber çi tehemûlî rojnameyeke kurdî nake?"
Komele dibêje ku dewlet hê jî bi hemû saziyên xwe; artêş, dadgeh, hêzên ewleyî ên polisî û saziyên pêwendîdar ên bi perwerdeyê li hemberî xwestek, derbirîn û xwe îfadekirina kurdan wekî mertalekî astengker radiweste û van lê zêde dike: "Komeleya Nivîskarên Kurd, bi çi hincetê dibe bila bibe, biryara girtina her rojnameyê; bi taybetî biryara girtina tekane rojnameya xwerû kurdî, Azadiya Welat şermezar dike, û vê biryarê wekî birrîna zimanê kurdî, astengkirina agahdariya raya giştî a kurd dibîne û dihelsingîne."
Komeleyê di daxuyaniya xwe de bal kişandiye ser girtina mudîr û xwediyê îmtiyazê yê Azadiya Welat Wedat Kurşunê ku 166 sal cezaya hepsê girtiye û di dawiyê de ev bang kiriye:
"Em nivîskarên kurd, hemû kes û derûdorên demokrasîxwaz, reftar û alîgirên azadiya derbirînê vedixwînin şermezarkirina biryara dedgehê!"
***
Nûçeyên eleqedar:
.jpg)
.jpg)
