Diyarname

Îsal tiştên ku bi dehan salan carek çêdibe çêbû: Di Lîga Şampiyonan û di Lîga Ewropayê de fînalîst diyar bûn, her çar tîm jî îngilîz in. Îsal her du kûpa jî dê here Îngilistanê.

Lîga Şampiyonan

Di Lîga Şampiyonan de tîma îngilîz Liverpool li mala xwe Barselona kiribû mêvan û tam bi 4 golan ew şand mal û derbasî fînalê bû. Tîma din a îngilîz Tottenham di deqîqeya dawî, 90+5 de gol avêt, maç bi 3-2 bi dest xist û Ajaks şand mal. Bi vê yekê her du tîmên îngilîz Liverpool û Tottenham derbasî fînalê bûn.

Fînala Lîga Şampiyonan 1'ê meha pûşperê li Madrîda Spanyayê dê bê lîstin.

Lîga Ewropayê

Di Lîga Ewropayê de Chelsea û Arsenal derketin fînalê. Chelsea li hemberî Eintracht Frankfurt maça nîv fînalê lîst. 90 deqîqe û demên zêdek ên maçê bi 1-1'ê bi dawî bûn. Di penaltiyan de Chelsea bi 4-3 bi ser ket û derbasî fînalê bû. Arsenal di nîvfînalê de derket pêşberî Valencia û di encamê de derket fînalê.

Her du tîmên îngilîz di fînala Lîga Ewropayê de ji bo kûpayê bigirin dê bilîzîn. Maça fînalê roja 29'ê gulanê li Bakuya Azerbaycanê dê bê lîstin.

Her sal tîma ku di Lîga Şampiyonan û Lîga Ewropayê de bi ser dikeve ji bo Kûpaya Super dilîze. Ji niha de diyar bû Kûpaya Super jî dê ji aliyê tîmên îngilîz ve bê lîstin û her sê kûpa dê herin Îngilistanê.