Diyarname

Di Lîganê Ewropa de berî lîg biqediyo şampiyonî jo jo eşkera benê. Dimay PAOK û PSG, eno hefte jî Spanya de Barselona şampiyonî xo eşkera kerd.

Barselona bi 33 sere

Di La Lîga ya Spanya de Barselona heftew peyîn de Levante kerd meyman û bi goley Messi (Deqe 62) maçe 1-0 girote. Bi ene maçe Barselona pûanê xo kerdî 83 û verî lîg biqediyo bi 3 hefteyan şampiyonî xo eşkera kerde. Di rêzey diyinan de Atletico Madrid bi 74 pûanan ca gêna. Barselona bî 33 rey bena şampiyon.

Keykerdoxê tîmî Messi jî bi ene golê bî 34 golan emsar erzeno û ger heta peynî sere surprîzêke nêviraziyo go bibo 6 rey ew di La Lîga de beno teno tewr zehf golan erzeno. Bi ene joy ew go rekor bişkêno.
Barselona 25'ê aşmey gulanî de go Kûpay Qral ê Spanya de bi Vilarealdir maçey fînalî kay bikero. Di rojanê 1 û 7'ê gulanî de jî nîmfînalê Lîgey Şampiyonan tîmê îngilîz Liverpoolîdir kay bikero.

Dimay 34 seran reyna PAOK

Di lîgey Yewnanistanî de tîmê Selanîkî PAOK bî şampiyon. PAOK'î kê xo de Levandiakos kerd meykan û tam 5 golî eyştî. Bi ene joy PAOK'î pûanê xo kerdî 77 û verî hefteyke ke lîg biqediyo bî şampiyon. Di rêzey diyinan de Olympiakos esto ke pûanê ê 72'yê.

PAOK bî 34 seriyo ke qe nêbeno şampiyon û emsar ê gamêke pîle eyşt e.

Fransa de PSG est o

Fransa de PSG şampiyonî xo eşkera kerd bî. La di maçey xo ya peyîne de têk şî. Fransa de 4 heftey mendo lîg temam bibo. Di heftey 34'an de PSG û Montpellierdir hamey vernî şobînî û Montpellier  bi 3-maçe girote. PSG enka 84 pûanan de wo û şampiyonî xo heftey şî eşkera kerd bî. Di rêzey diyinan de Lille bi 68 pûanan ca gina.