Qamişlo

Di 4'emîn salvegera mirina hunermend Seîd Yûsiv de ew bi merasimek hat bibîranîn. Merasim li Hola Zana ya li Qamişloye li dar ket.

Di merasîmê de gelek hunermend, siyasetmedar, nivîskar, helbestvan, endamên rêxistinên civaka sivîl û girseya gel hebû. Nûnerên partiyên siyasî yên Bakur û Rojhilatê Sûriyeyê, Desteya Çandê ya Kantona Cizîrê, saziyên civaka sivîl û Desteya Rûspiyan jî beşdarî merasimê bû.

Keça Yûsiv ya bi navê Şepal Yûsiv xêrhatin li mêvanan kir û ji bo beşdariya wan sipasiya wan kir.

Rêveberê Yekîtiya Nivîskarên Kurd a Sûriyeyê Qadir Egîd jî li ser jiyana Seîd Yûsiv û berhemên wî yên muzîkê axivî û banga girîngîdayîna berhemên wî kir.

Piştre sînevîzyonek li ser jiyana wî hat nîşandayîn. Dûre hunermendan stranên Seîd Yûsiv xwendin.

Hunermend Seîd Yûsiv di sala 1947'an de li Qamişlo hatibû dinê. Wî di jiyana xwe ya hunerî de dor 25 xelatan girtibûn. Piştî wefata tembûrvan Mihemed Ebdulkerîm, Seîd Yûsiv bi navê "Mîrê Biziqê" hat naskirin. Gelek stranên wî ji aliyê gelek kesên din ve jî hatine xwendin.

Seîd Yûsiv roja 26'ê rêşemiya 2020'î canê xwe ji dest dabû.