Diyarname
Vê hefteyê yek jê anîmasyon 8 fîlm ketin vîzyonê. 3 jê ji Tirkiyeyê, yên din biyanî ne. Ji nav van em fîlmê derhênerê kurd Alî Kemal Çinar "Di navberê de" û fîlmê derhênerê îranî Ashgar Farhadî "Everybody Knows/Her Kes Dizane" pêşniyar dikin.
"Di navberê de"
Derhêner Alî Kemal Çinar bi butçeyên biçûk lê bi fikrên rengîn fîlmên xwe dikişîne û şêweyek taybet bo xew saz kiriye. Fîlmê wî yê nû "Di navberê de" jî bi vî rengî ye ku îro ket vîzyonê.
Serkarakte Osman kesekî ye ku nikare bi kurdî biaxive lê fêm dike, verevajî nikare tirkî fêm bike lê diaxive. Ew bi vê taybetiya xwe di nav demê de êdî nikare du tiştan bi hev re bike. Dema dixebite nikare bersivê bide mişteriyên xwe, dema ligel hevalên xwe tiştek vedixwe nikare beşdarî sohbetê jî bibe. Ligel ku dixwaze bizewice jî bi jinên ku ligel wan hevdîtinan dike nikare ligel wan têkiliyeke dûdirêj bidomîne. Mişteriyekî wî jêre dibêje ku ew dikare wî ji nav vê rewşê rizgar bike û bi vê yekê re jiyana wî diguhere.
Fîlmê ku li Stenbolê di nav Festîvala Fîlmên Kurd de hat nîşandayîn îro ket vîzyonê. Di fîlm de Osman Çinar, Fatoş Yildiz, Îhsan Şakar û Gulbîn Bozan dilîzin.
"Everybody Knows"
"Everybody Knows" fîlmê derhênerî îranî Asgar Farhadî ye. Laura li Buenos Airesê dijî, ji bo daweta xweşka xwe vedigere gundekî Spanyayê. Di dema ku ev şahî ligel malbat û nas û dostan tê pîrozkirin de keça mezin a Laura tê revandin. Di nav rojên bêhizûr de hin razên di nav malbatê û li nav gundiyan de dertên holê. Di fîlm de ligel bûyera revandina keçikê, paşeroja tevlihev ên karakteran dertê holê.
Di fîlm de lîstikvanên navdar Penelope Cruz, Javier Bardem, Ricardo Darin û Eduard Fernandez dilîzin.
Vane hemû fîlmên vê hefteyê:
- Everybody Knows / Derhêner Ashgar Farhadi
- Woman at War / Derhêner Benedikt Enlingsson
- Captain Marvel / Derhêner Anna Boden, Ryan Fleck
- Papillon / Derhêner Michael Noer
- Snowtime 2 / Derhêner Benoit Godbout, Jean François Pouliot
- Di navberê de / Derhêner Ali Kemal Çinar
- Kapan / Derhêner Kudret Sabanci
- Huddam 2 / Derhêner Utku Uçar
.jpg)
