Diyarname
Niştoş Enwer Yilmaz kitabê xo yê hîkayan bi namey "Bena Hol" vet. Kitabo ke Weşanxaney Nas ra veciya de 12 hîkayey tede estê.
Enwer Yilmaz rojnameger û niştox o. Kibanê yê joyîn bi namey "Ti Dejêko Bêwayîr î" serey 2014'inan de veciya bî. Enka kitabê yê diyinan Weşaxaney Nas ra veciya.
"Bena Hol" de 12 hîkaye estê. Yilmaz derheqê kitabê xo de ana vano: "No kitab de zî ez behsê cuya ma ya kurdan kena. Hîkayeyê ma kurdan nêzdîyê yewbînan ê. Zaf manenê yewbînan. Dewletanê serdestan timî cuya ma kerdê lete û heram. Derd û dejê şarê ma zaf ê. Neheqî, feqîrî, bêedeletî û bindestî sey qedere ma rê ameyê ferzkerdiş. Erdê ma lete, ziwanê me lete, şarê ma perçe û yo tewr xirab zî sîyasetê ma perçe yo. La ma zanenê ke, no qederê ma kurdan nîyo. Mi kitabê xo de pê hîkayeyan behsê na bindestî û neheqî kirda. Tikê hîkayeyan de ez qala xo kena la mîyanê ê hîkayeyan de zî onca hîkayeya ma Kurdan esta."
Yilmaz vano ke wextê niştişê hîkayen de zehf pê deciyawo, la wexto merdim nênisno jî zehf pê deceno û zehmetî anceno û ana dewam keno: "Qederê ma û neheqîya ke ma rê bîya zaf giran a. La ma mecburê ke behsê nê çîyan bikerê. Eke ma nênisnê, ma rasyîya xo ra dûrî kewenê. Lazim o na rastîya ma bibo babeta edebîyatî. Xora edebiyat bin ê çîyan xo keno wey. Xeylê niştoxê ma zî wina kenê. Xora bi kirdkî niştiş tena çîyêko muhîm û bimbarek o. Xoverdayîşo tewr pîl kirdkî niştiş o. Merdim bi ziwanê xo binuso, biwano û pê xebate biko, mucadeleyo tewr pîlo o."
- Bena Hol / Enwer Yimazî / Weşanên Nas / 153 rîpel