Diyarname
Di Dora 4'an a Kûpaya Zîraatê ya Tirkiyeyê de 58 tîm hatin hemberî hev. Di nav tîman de çend tîmên kurdan hebûn, ji nav van tenê Van BB bi ser ket. Tîma Şaredariya Bajarê Mezin a Wanê "Van BB" Bandirmayê ligel Bandirmaspor Baltok lîst. 90 deqeyên maçê, paşê 30 deqîqeyên zêdek bi 0-0 bi dawî bû û maç derbasî penaltiyan bû. Di penaltiyan de Van BB bi 4-2 reqîbê xwe têk bir û derbasî Dora 5'an bûn.
Dêrsim 62 Spor ligel Adana Demîr Sporê li Edeneyê lîst. 90 deqîqeyên maçê bi 1-1 bi dawî bû, di demên zêdek de Dêrsim bi 3-1 têk çû û xatir xwest.
Ji tîmên din Diyarbekir jî li Enqereyê bû. Diyarbekir ligel Gençlerbîrlîgî lîst. Di maça ku heta kêliyên dawî Diyarbekir serketî bû de di deqîqeya 89'an de golek xwar û bi 1-0'ê têk çû.
Batman Petrol Spor jî li mala xwe ligel Kasimpaşa Sporê lîst. Di maçê de bi Kasimpaşa bi 3-2 li pêşbû lê ji ber bûyeran maç hat betalkirin. Di maçê de dema lîstikvanê Kasimpaşa Fode Koita li dû gogê bû ji nav temaşevanan yekî şûşeya avê avêt û şûşe li serê wî ket. Koita demek dirêj li erdê bû û paşê ew bi sedyeyê birin ambûlansê. Hakêm Ozgur Yankaya li ser bûyerê çû odeya xwe û paşê biryara betalkirina maçê da.

Nûçeya Eleqedar:

- Reqîbên mezin derketin pêşberî Diyarbekir û Batmanê 

- Diyarbekir, Wan, Batman, Dêrsim bi ser ketin 

- Reqîbên tîmên bajarên kurdan diyar bûn 

- Diyarbekir, Batman, Sêrt, Wan, Dêrsim bi ser ketin 

- Ji bo Dora 2'yem pişke hat kişandin 

- Tîmên bi ser ketin diyar bûn 

- Di Kûpaya Tirkiyeyê de tîmên bajarên kurdan