Diyarname

Sekreterê berê yê Neteweyên Yekbûyî (NY) Kofi Annan ku ji bo aştiya dinyayê xebitîbû di 80 saliya xwe de wefat kir.

Kofî Annan di sala 2001'ê de ligel NY'yê ji ber keda wan a ji bo aştiya dinyayê Xelata Nobelê ya Aştiyê girtibû. Anna li Swîsreyê wefat kir. Li gor daxuyaniya Weqfa Kofi Annan hê ji ber sedemên nehatine diyarkirin li nexweşxaneyeke li Bernê wefat kir.

Sekreterê Giştî yê NY'ê li ser wefata Annan peyamek weşand û got: "Ji ber mirina wî em gelek xemgîn in. Annan bi diyalogê nêzî pirsgirêkan bû, ji bo aştiyê bêrawestan xebitî û jiyana xwe ji bo vê yekê feda kir."

Ew di 8'ê avrêla 1938'an de li bajarê Kumasi ya Ganayê hatibû dinê, li DYA û Swîsreyê xwendina xwe temam kiribû. Di navbera salên 1997-2006'an de Sekreterê Giştî yê NY'ê bû. Ew wekî yekemîn kesê reşik bûbû serokê NY'ê.

Di adara 2012'yan de wekî Nûnerê Taybet yê Sûriyeyê yê NYê ji bo çareseriya li Sûriyhe plana çareseriyê ya ji 6 xalan pêk dihat pêşkêş kiribû lê piştî ku pevçûn gur bûbûn bi 3 mehan ragihandibû ku ew bi ser neketiye. Loma jî di gelawêja heman salê ji vê peywira xwe îstîfa kir.