Diyarname
Li Hollywoodê bulvarek heye ku stêrkên navdaran lê hatine danîn. Di nav van stêrkan de ya Serokdewletê DYA'yê Donald Trump jî heye. Li Kalîforniyaya DYA'yê Şaredarê Rojavaya Hollywoodê Jahn Duran ji ser twettera xwe re peyamek weşand û nivîsî: "Şaredariya Rojavaya Hollywoodê bi yekdengî biryar girt û bang li Odeya Ticaretê ya Hollywoodê kir ku stêrka Trump ji Rêya Navdaran (Walk of Fame) rakin."
Şaredar sedema vê yekê neanî ziman. Trump ne lîstikvan e lê dema di sala 2007'an de bernameya "Apprentice" (Şagirt) pêşkêş dikir stêrka wî li wir hatibû bi cih kirin. Berî ku Trump bê hilbijartin hinan stêrka Trump xira kiribûn.
Odeyê got: Na
Odeya Ticaretê ya Hollywoodê bersiv da: "Rêya Navdaran a Hollywoodê nîşaneyeke dîrokî ye. Stêrkek li rê bê kirin dibe parçeyeke vê dîrokê. Ji ber vê yekê me ji rê stêrkek jî jê nekiriye."