Diyarname
Wênesaza meksîkî ya li dinyayê navdar Frida Kahlo ji rojevê nakeve; vê carê bi pêşangeheke cuda li rojevê ye. Li Londona Îngilistanê pêşangeh vedibe lê ji wêneyên wê wêdetir vê carê bi tiştên wê yên taybet. Di pêşangehê de tiştên taybet ku di jiyana rojane de wê bikaranîne cih digirin: Amûrên wê yên makyajê, kincên wê, linga wê ya protez û tiştên wisa cih digirin.
Pêşangeh ji aliyê V&A (Victoria and Albert Museum) ve tê lidarxistin. Pêşangeh heta 14'ê sermaweza 2018'an dê vekirî be.
Frîda Kahlo ku di sala 1907'an de li Meksiko City ya Meksîkayê hatibû hatibû dinê, di sala 1954'an de li heman bajarî miribû. Li muzexaneya Blue House ya li Meksiko City 50 salan piştî mirina wê jî tiştên wê li wir bûn û kesî dest nedabû. Paşê ew hatibû pêşkêş kirina, niha jî li Londonê têne pêşkêş kirin. Ev yekem car e li derveyî welatê wê tiştên wê di pêşangehek de têne pêşkêşkirin.