Diyarname

Îstanbul Modern fîlmê derhênera mezin a sînemaya macar Ildiko Enyedi yê bi navê "Sedsala 20'an a Min" ji ser înternetê re ji bo rojek bê pere nîşan dide.

Bi hevkariya Îstanbul Modern Sînema û Navenda Çanda Macar fîlmê Enyedi wekî online  dê bê nîşandayîn.

Fîlm ji ser malpera Îstanbul Modern re roja 15'ê gulanê saet 20'an de tê nîşandayîn. Yên bixwazin di nav 24 saetan de dê bê pere bê nîşandayîn.

Îstanbul Modern mehên borî jî hin fîlmên derhêner Enyedi nîşan dabûn. Ev fîlmê wê "Sedsala 20'an a Min" duyemîn fîlmê wê yê metrajdirêj e û di sala 1989'an de li Cannesê bi Xelata Kameraya Zêrîn hatibû xelatkirin.

Çîroka du xwişkan û sedsalek

Fîlm li ser çîroka du xwişkan dimeşe. Di dawiya destpêka sedsala 19'an de du xwişkên li Budapeşte hatine dinê yên bi navê Dora û Lili di biçûkatiya xwe de dibin sêwî. Di şeva sersalê ya 1900'î de her du dema di bin barîna berfê de kibrîtan difroşin dikevin xewê û di xewa wan de du navzilamên nediyar tên wan dibin û ew ji hev vediqetin. Piştî salan her du xwişk bêyî hay ji hev hebin di trênê de rêwîtiyê dikin. Dora di vagona luks de rêwîtî dike, Lili jî wekî kesek femînîst di vagonek ku hin cure heywan jî têde hene rêwîtî dike û di heman demê de anarşîstek e. Di trênê de ew Z Beg nas dikin ku ev zilam bi ser herduyan de jî evîndar dibe û di nav sedsalê de dest bi rêwîtiyeke fantastîk dikin.