Ebdelhemîd Bamerrnî

Di roja 20/08/2008 de, rojnameya Evro di hejmara 252 an de nivîsandiye ku, ji tevaya 71 milyar dînarê Îraqî yên wezareta saxlemiyê ya devera Kurdistanê, tenê 7 milyar ji bo devera Kurmancîaxêvan şandîne. Ev e heke em viya bi diravê ji Silêmanyê re hatine dayîn hevber bikin tu nêzîkbûneke dadmendî (edaletî) tê de tune ye. Ji ber ku ji Silêmaniyê re 47,693,000000 dînarê Îraqî hatine dayîn û ji Hewlêrê re 16,330,000000 dînarê Îraqî hatine dayîn. Belê piştî min nivîsa Evro xwendî ji min re kifş bû ku behra Duhokê heft milyar jî nebû û bi dirustî tenê 760,000000  dînarê Îraqî bû, ez dê vê weke şaşitiyeke nivîsînê wergirim û her li ser 7 milyarî rawestim, herçende hejmara nivîsî şaşitiyê na pejrînit. Li tevaya nivîsêt nivîsevanêt devera soranî bi bê dadî qala 30% ji bo Kurmancîaxêvan li jêrya Kurdistanê dikin, belê dema dibîte gerra parvekirina diravî li vir tenê 10% ji Kurmancîaxêvan re dayîne.
Li sala bûrî ji kujmê 8 milyar  dolarê Emrîkî yê desteka berverrêjkirnê (hey`et elîstîsmar) para Kurmancîaxêvan tenê 5% ê wa bûn û ew çax ji Hewlêrê re 59,9% ê wî para wan bûn û para Silêmaniyê jik 34,1% î bû. Heke bi pirusent wergirîn ew ê ji Duhokê re 9.87% derkeve, Silêmaniyê ew ê zêdeyî ji 68% behra wê be, li dawiyê behra Hewlêrê jik 22% dibe ji tevaya diravê wezareta saxlemiyê.
 Ji Kurmancîavêvan re nexweşketin êdî berbendkirî ye!
 Li min negirin xelkên Duhokê, belê bi fermana hikumeta deverê nabe kesekî Kurmanc nexweş bikeve. Bi vî diravî kes nikare karûbarên Nijdariyê birêvebibe. Mamê wezîrê saxlemiya devera Êkatî qey tu nabînî ev dirave pir hindike ji zêdeyî heftsed hezar serê merivî re, cenabê hewe pêdivîbûnê paqijî û bijîniyê jik çi pûte pê nekiriye û av jik pir hindike û xelk nikare serê xwe jik baş bişo.
Pêkhatina sitratejîk qey tenê tu li ser situkura Duhokê hatiye îmzakirin. Mirovî heq heye ev ê pisyarê jik biket û lêgerrîna bersivê jik ji yê jiyana wî têkelî bi vê çendê ve hey bihêlit:
Erê piştguhvehavêtina devera Kurmancîaxêvan bendeke ji pêkhatina sitratîjîk?
 Bo çî?
 Bo kê?

26/08/2008

***

Nivîsên Ebdelhemîd Bamerrnî yên ku berê di Diyarnameyê de hatine weşandin:

- Çi renge Zaravekî li Kurdistana Iraqê fermî biken!? (2)

- Çi renge Zaravekî li Kurdistana Iraqê fermî biken!?