Diyarname

Di maça derbî ya dinyayê de Real Madrid û Barselona, Ronaldo û Messi hatin hemberî hev. Yê serketî Messi bi xwe bû: 2-0.

Berî maçê pûanên Real Madrîd û Barselonayê yek bû lê R. Madrid bi avarajê di rêza yekem debû. Maç ji bo yekemînbûnê gelek girîng bû. Dîsa di qayişkêşana di navbera Messi û Ronaldo de ku dinya nîqaşê dike 'kî herî serketî ye' jî di vê maçê de dihat meraqkirin.

Maç li mala Real Madrîdê li Santiago Bernabeuyê dest pê kir. Her du tîman jî bi hêz û daxwazeke mezin dest bi maçê kir. Di deqîqeya 33'yan de Lionel messi gola xwe avêt û Barselona bi 1-0'ê derxist pêş. Beşa yekemîn a maçê bi vî awayî bi dawî bû. Di beşa diduyan, di deqîqeya 56'an de Pedro gol avêt û bû 2-0.

Piştî vê deqîqeyê Barselonayê bi pasdayîna hev bêhna Real Madrîdê çikand.

Barselonayê di dawiya maçê de, li mala Real Madridê ew ji rûnişteka rêberiya lîgê daxist û ew di rêza duyem de bi cih kir. Barselona bi 78 pûnanan niha yekemînê lîgê, Real Madrid bi 75 pûanan duyemîn û Valencia jî bi 56 pûanan sêyemîn e ku maçeke wê kêm e. Valenciya maça xwe dê îro bilîze.

Kunyeya maçê:

Stad: Santiago Bernabeu

Hakêm: Mejuto Gonzales

REAL MADRID: Casillas, Ramos, Albiol, Garay, Arbeloa, Alonso, Lass, Van der Vaart, Guti, Ronaldo, Higuain

BARCELONA: Valdes, Dani Alves, Pique, Puyol, Milito, Maxwell, Xavi, Busquets, Keita, Pedro, Messi