Şîrketa alman Zublîn di nav korsorsiyuma ku Heskîfê dê noqav bike de cih digire. Dewlet rewşa Zublînê ji nû ve dinirxîne.

Şîrketên almanya, avusturya û swîsre di nav korsorsiyoma bendava Ilisû de ne ku bendav bê çêkirin dê Heskîfê noqav bibe. Dewleta Alman 100 mîlyon euro ewlehiya îxracatê dabû şîrketê. Şîrketên alman li derveyî welat zerarê bikin jî dewlet wan digirin bin ewlehiya xwe. Lê niha ji ber ku dê bendav bi deh hezaran kesî mexdûr bike hate gotin ku dewlet ewlehiya krediya ji bo şîrketê ji nû ve difikire.

Ji ber ku proje ne li gor standardên navneteweyî ye dewleta Alman kete nav tevgerê. Wezîrê Pêşketina Almanyayê Heidemarie Wieczorek ragihand ku ger Bendava Ilisû ne li gor krîterên navneteweyî be ewê krediya îxracatê ya ji bo Zublinê veqetandina dê di cih de bidin rawestandin.

Ji Wezareta Pêşketinê rayedarek ku nexwest navê xwe eşkere bike got ku bi awayeke cidî mijar tê nirxandin û di rojên pêşde dê rewşa krediyê eşkere bibe.

Saziya ECA Watch çavdêriya krediyên hikumetên Ewropayê dike. Ji ECA Wacthê Ulrich Eichelmann diyar kir ku Tirkiye ger di mijara bendava Ilisû de li gor standardên navneteweyî tevnegere divê Almanya, Avusturya û Swîsre ji projeyê vekişin.

Meha borî heyeta raçavkirinê diyar kiribû ku Karên Avê yên Dewletê ji 153 şertên ji bo bendavê yek jî neaniye cih. Heyetê bal kişandibû ser rapora zanistî ya Komeleya Xwezayê jî û xwestibû agahiyên li ser xweza û çandê bêne eşkerekirin.
Saziyên sivîl ên ewropî dixwazin şîrket dest ji bendavê bikişîne.
Heskîfî û gelê li herêmê jî naxwaze bendav bê çêkirin û naxwazin Heskîf noqav bibe.

Ji ANF'ê hatiye girtin