MERÎWAN / ROJNEWS
Duh berî nîvro Ofîsa Sereke ya Navenda Ferheng û Hunera Vejîn a li bajarê Merîwan ê rojhilatê Kurdistanê ji aliyê hinek kesên nenas ve hat şewitandin. Ev bûyer di dema bêhnvedana fermî ya navendê de pêk hat. Di heman demê de navendê li ser bûyerê daxuyaniyek ji bo raya giştî belav kir.

Di daxuyaniyê de wiha hate gotin: "Roja Înê (11’ê Tebaxa 2017’ê) ku rojek bêhndana fermî bû û Ofîsa Sereke ya Navenda Ferheng û Huneriya Vejîn girtî bû, hinek kesên nenas ji odeyek a navendê agir berdane. Ji ber agir di navendê de ziyana madî çêbû. Desteya Rêveberiya Vejîn di encama lêkolînên xwe de belge kiriye ku agir di encama rijandina gazê de pêk hatiye û bi zanebûn hatiye kirin. Ev kiryar karê destên qirêj ên li dijî çand û jiyanê ye."

Der barê helwesta Navenda Vejîn de jî ev hat gotin: "Navenda Vejîn vî karî wekî karek terorîstî û li dijî çandê dibîne. Dê hemû hewldanên yasayî were dayîn ku ji bo kiryarên bûyerê eşkere bike û bigehîne cezayê wan. Ev hewldanên tirsonek gav bi me bi paş de nadin avêtin. Em di wê baweriyê de ne ku emê divê  rê de hin hewldanên û xebatên xwe zêdetir bikin. Navenda Vejîn her dem bi piştgiriya gel û ji bo gel gav avêtiye. Niha jî dê dîsa bi piştgiriya gel bi aweyek xurtir dest bi xebatên xwe yên çand û ziman bike."

Xebatên navendê
Navenda Ferheng û Hunera Vejîn navenda ferhengî û huneriye û bi taybetî jî li ser zindîkirina ferheng û hunera folklora kurdî kar dike. Ev navenda ne hikumî ye û di sala 2004'an de hatiye damezirandin. Ofîsa wê ya sereke li bajarê Merîwan a rojhilatê Kurdistanê ye. Hinek çalakiyên wê ev in:  Dayîna xelatê bi navê ‘Xelata Berûy Zêrîn’ ji bo çalakiyên ferhengî ya Kurdistanê. Heta niha ev xelat ji aliyê navenda Vejîn ve ji Osman Hewramî, Hadî Ziya Ezedîn û Celal Melekşa re hatiye dayîn.  Di heman demê de komkirin û lêkonînkirina  destnivîsên  herêmê jî ji aliyê komîteye çanda Vejîn ve çalekiyek din a vê navendê bû.