Pukmedîa - Diyarname
15 partî û rêxistin beşdarî civîna Serokatiya Serokê Herêma Kurdistanê Mesûd Barzanî de li dar ket. Di civînê de biryar hat girtin ku di 29'ê rezbera 2017'an de ji bo serxwebûna Herêma Kurdistanê referandûm li dar bikeve.
Di civîna ku li Selahedînê li dar ket de ligel rêveberên partiyên siyasî Cîgirê Serokê Herêma Kurdistanê û Serokê Hikumet û Serok û Cîgirê Komîsyona Bilinda Hilbijartinên Kurdistanê amade bûn. Di civîna ku Serokê Herêma Kurdistanê Mesûd Barzanî bi rê ve bir de mijana Parlemena Kurdistanê, meseleyên siyasî, çareserkirina meseleyên navxweyî hat nîqaşkirin.
Di civînê de ev partî amade bûn:
- Partiya Demokrata Kurdistanê
- Yekîtiya Niştîmaniya Kurdistanê
- Yekgirtiya Îslamiya Kurdistanê
- Tevgera Îslamiya Kurdistanê
- Partiya Şu'î(Komunistên) Kurdistanê
- Partiya Sosyalîst Demokrata Kurdistanê
- Partiya Zehmetkêşên(Kedkarên) Kurdistanê
- Partiya Karker û Rencderên (Kedkarên) Kurdistanê
- Partiya Çaksaziya Pêşketiya Kurdistanê
- Lîsta Hewlêr ya Turkmenî
- Bereya Turkmenî ya Iraqê
- Partiya Geşepêdana Turkmenan
- Lîsta Ermen li Parlemena Kurdistanê
- Tevgera Demokrata Aşûrî
- Meclîs Alşa'bî Al Kildanî Al Aşûrî(Civata Gel a Kildanî Aşûrî)
Balkêş e di civînê de nûnerên Tevgera Goran nîn bûn.

Di civînê de ev biryar hatin girtin:
Yekem: Roja bîst û pêncê (25) Eylûla 2017 wekî roja encamdana referandûmê li Herêma Kurdistana Iraqê û navçeyên Kurdistaniyên derveyê îdareya Herêma Kurdistanê hate diyar kirin.

Duyem: Her li roja dawiya civînê heta dema birêveçûna referandûmê hemû alî kar ji bo çalak kirina Parlemen û çareserkirina kêşeyên siyasiyan bikin eve jî bi navê bi dest ve anîna komdengiya niştimanî dibe.

Sêyem: Teqez li ser baştirkirina bijêwî jiyana xelk û temaşekirina ji kêşeyên aboriyên hemwelatiyên Kurdistanê û mûçexor û çîn û tuwêjan û xelkê kêmderamet kirin.

Çarem: Biryar hate dayîn bi pêkanîna Encûmena Bilinda referandûmê bi Serokayetiya birêz Mesûd Barzanî bê kirin. Her wiha biryar hate dayîn heta rêkkefta 12.06.2017 partiyên siyasî nûnerên xwe ji bo beşdarbûna li çend komîteya taybet bi referandûm û piştî referandûmê diyar bikin.