Diyarname
Rojên Belgefîlman a Egeyê îsal 10'emîn car dê li dar bikeve. Îsal li Navenda Çanda Fransiz û Fakulteya Hunerên Bedew a Zanîngeha Dokuz Eylulê dê belgefîlm bêne nîşandayîn. Di nav bernameyê de ji Tirkiye û ji gelek welatên dinyayê belgefîlm dê bêne nîşandayîn.
Di nav belgefîlman de "Eşq Qediya" ku ji çalakiyên Gezî heta protestoyên Brezîlyayê digirin nava xwe; "Radyo Kobanî" ku piştî êrîşa çeteyên DAIŞ'ê û rizgarkirina Kobanî hatibû avakirin çîroka wê tê nîşandayîn.
Li ser zarokên li çola Urdunê; belgefîlmê ku çîroka Amed Sporê nîşan dide "Yeşil Kirmizi" (Kesk û Sor); "My Land" (Axa Min) ku çîroka malbatek li Pekînê bi zorê jiyana xwe derbas dike; "Serleşkerê min ne Alî, Arî" ku çîroka leşkeriyê ya hemwelatiyên ermen û cihû yên Komara Tirkiyeyê nîşan dide... Gelek belgefîlmên li ser gelek mijaran dibin mêvanên Rojên Belgefîlman a Egeyê.

Civaka Xebatên Ragihandinê di bin rêveberiya hîndekar Hilmi Maktav de ev 10 sal in bi gelek zehmetiyan vê çalakiyê li dar dixe. Îsal jî roja 9'ê mehê dê nîşandayîna belgefîlman dest pê bike û heta 13'yê mehê bidome. Belgefîlm bên pere têne nîşandayîn.
Ji bo bername û agahiyên berfirehtir:
http://www.egebelgesel.com/